Vientiane Times Lao
ກວດກາ 945 ເປົ້າໝາຍ ພົບຜົນເສຍຫາຍຫຼາຍກວ່າ 1.477 ຕື້​ກີບ ໃນປີ 2019

ກວດກາ 945 ເປົ້າໝາຍ ພົບຜົນເສຍຫາຍຫຼາຍກວ່າ 1.477 ຕື້​ກີບ ໃນປີ 2019

ອີງຕາມການລາຍງານຈາກ 21 ກະ ຊວງອົງການ, 17 ແຂວງນະຄອນຫຼວງ ໄດ້ກວດກາທັງໝົດ 945 ເປົ້າໝາຍ, ໃນນີ້ ຕິດຕາມ, ກວດກາປົກກະຕິ 333 ເປົ້າໝາຍ, ສືບຕໍ່ຕິດຕາມ, ກວດກາໂຄງການລົງ ທຶນຂອງລັດເລີ່ມແຕ່ຫົວທີ 140 ໂຄງການ, ກວດກາຕາມຜົນການກວດສອບ 307 ເປົ້າໝາຍ. ຜ່ານການຕິດຕາມ, ກວດກາ ພົບເຫັນຜົນເສຍຫາຍທັງໝົດ 1.477,64 ຕື້ກີບ, 10,08 ລ້ານບາດ, 24,68 ລ້ານໂດລາ, ລົດໃຫຍ່ 5 ຄັນ, ເກັບກູ້ຄືນ 35,95 ຕື້ກີບ, 10 ລ້ານບາດ, 200.000 ໂດລາ ແລະ ລົດໃຫຍ່ 4 ຄັນ ໃນປີ 2019 ທີ່ຜ່ານມາ.

ຂໍ້ມູນດັ່ງກ່າວແມ່ນໄດ້ລາຍງານຢູ່ທີ່ກອງປະຊຸມວຽກງານກວດກາທົ່ວປະເທດປະຈໍາປີ 2019.

ທ່ານ ບຸນທອງ ຈິດມະນີ ກຳມະການ ກົມການເມືອງສູນກາງພັກ ເລຂາ ທິການສູນກາງພັກ  ຮອງນາຍົກ ລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການຕ້ານການ ສໍ້ລາດບັງຫຼວງຂັ້ນສູນກາງ ໄດ້ກ່າວທີ່ ກອງປະຊຸມວຽກງານກວດກາທົ່ວປະ ເທດປະຈຳປີ 2019 ໄດ້ເປີດຂຶ້ນຢ່າງ ເປັນທາງການໃນວັນທີ 810 ມັງກອນ ທີ່ຜ່ານມາ ທີ່ສະໂມສອນຄະນະກວດ ກາສູນກາງພັກ (ຫຼັກ6) ກ່ຽວກັບການ ກວດກາ ແລະ ສະກັດກັ້ນ-ຕ້ານການ ສໍ້ລາດບັງຫຼວງໂດຍມີບາງຕອນສຳຄັນວ່າ: ຢາກໃຫ້ທາງອົງການປົກຄອງຄະນະກວດກາ ພັກອົງການກວດກາລັດ ເນັ້ນໜັກ ແລະ ເອົາໃຈໃສ່ຕື່ມ ຫຼາຍບັນຫາ ໂດຍສະເພາະແມ່ນການຕິດຕາມກວດກາການຄຸ້ມຄອງບໍລິ ຫານລັດແຕ່ລະຂັ້ນແມ່ນໃຫ້ສຸມໃສ່ບາງວຽກງານເຊັນ: ຢາກໃຫ້ຕິດຕາມ ກວດກາການປະຕິບັດພາລະບົດບາດ, ໜ້າທີ່, ການໃຊ້ສິດອຳນາດຂອງແຕ່ລະຂະແໜງການ ແລະ ທ້ອງຖິ່ນ; ການປະຕິບັດມະຕິ, ຄຳສັ່ງ, ກົດໝາຍ, ດຳລັດ ແລະ ລະບຽບການຕ່າງໆຂອງລັດ,  ຕິດຕາມ, ກວດກາການເກັບລາຍຮັບເຂົ້າງົບປະມານ, ການ ປະຕິບັດກົດໝາຍພາສີອາກອນ, ກົດໝາຍງົບປະມານແລະອື່ນໆ, ການຄຸ້ມຄອງລາຍຈ່າຍຂອງກະຊວງອົງການ ແລະ ທ້ອງຖິ່ນ ໃຫ້ຖືກຕາມ ເປົ້າໝາຍ ແລະ ຮັບປະກັນການປະຕິ ບັດນະໂຍບາຍປະຢັດແຫ່ງຊາດ,  ສືບຕໍ່ຕິດຕາມ, ກວດກາລົງເລິກ ແລະ ສືບສວນສອບສວນກ່ຽວກັບຄວາມຮັບຜິດຊອບຂອງການຈັດຕັ້ງ ແລະ ບຸກຄົນທີ່ພົວພັນເຖິງໂຄງການລົງທຶນຂອງລັດ ແລະ ການຊຳລະໜີ້ສິນແບບ ມີສ່ວນຫຼຸດ, ການຊຳລະເກີນ ແລະ ຊໍ້າຊ້ອນຢູ່ບັນດາແຂວງທີ່ຍັງຄ້າງປະຕິບັດ.

 ທ່ານ ບຸນທອງ ໄດ້ກ່າວຕື່ມວ່າ:  ສະເພາະໂຄງການລົງທຶນຂອງລັດຢາກໃຫ້ສືບຕໍ່ປະຕິບັດມາດຕະການກວດ ກາເລີ່ມແຕ່ຫົວທີ​ ​ເຊັ່ນ: ໂຄງການກໍ່ສ້າງທາງລົດໄຟລາວຈີນ ແລະ ອື່ນໆເລີ່ມແຕ່ການປະມູນ, ການຈັດຊື້ຈັດຈ້າງ ແລະ ຕະຫຼອດໄລຍະເວລາຂອງການປະຕິບັດໂຄງການໃຫ້ດຳເນີນໄປຖືກຕ້ອງຕາມສັນຍາແລະ ລະບຽບ-ກົດໝາຍ, ສືບຕໍ່ຕິດຕາມ, ກວດກາ ແລະ ຊຸກຍູ້ການຈັດຕັ້ງປະ ຕິບັດຄຳສັ່ງເລກທີ15/ນຍເປັນຕົ້ນການຄຸ້ມຄອງປ່າໄມ້ ແລະ ທຸລະກິດໄມ້, ການປະຕິບັດພັນທະໄມ້ ແລະ ບັນຫາອື່ນໆ ເປັນຕົ້ນຢູ່ດ່ານຕ່າງໆ ແລະ ຢູ່ຕາມລຽບຊາຍແດນ ເມື່ອພົບເຫັນຜູ້ລະເມີດຕ້ອງແກ້ໄຂຢ່າງເຂັ້ມງວດ ແລະ ອື່ນໆ.

ຂ່າວ: ວຽງຈັນທາຍ

ແຟ້ມພາບ: ຄຳພັນ

Related Articles

Leave a Reply