Vientiane Times Lao
ກວດພົບບາງຮ້ານຂາຍຊີ້ນໝູເກີນລາຄາທີ່ກໍານົດໄວ້ຢູ່ບາງຕະຫຼາດໃນແຂວງຈໍາປາສັກ

ກວດພົບບາງຮ້ານຂາຍຊີ້ນໝູເກີນລາຄາທີ່ກໍານົດໄວ້ຢູ່ບາງຕະຫຼາດໃນແຂວງຈໍາປາສັກ

ເຈົ້າໜ້າທີ່ພະແນກອຸດສາຫະກໍາ ແລະ ການຄ້າແຂວງຈໍາປາສັກລົງຕິດຕາມລາຄາຊີ້ນໝູທີ່ຈຳ ໜ່າຍ ໃນຕະຫຼາດແຂວງຈໍາປາສັກ ເພື່ອຮັບປະກັນວ່າມັນບໍ່ສູງກວ່າທີ່ກຳນົດໄວ້ ແລະ ເພື່ອປົກປ້ອງສິດຂອງຜູ້ຊົມໃຊ້ ແລະ ໄດ້ກວດພົບວ່າ ຍັງ ມີບາງຮ້ານທີ່ຂາຍເກີນລາຄາທີ່ກໍານົດ.

ທ່ານ ດຣ. ບຸນຍະເດດ ທອງສະຫວັນ ຫົວໜ້າ ພະແນກອຸດສາຫະກຳ ແລະ ການຄ້າແຂວງ ຈໍາປາສັກ ໄດ້ກ່າວຕໍ່ທີມງານຂ່າວວຽງຈັນທາຍ ເມື່ອວັນທີ 11 ມັງກອນ 2021 ນີ້ວ່າ: ການລົງກວດກາຢູ່ຕາມຕະຫຼາດຕ່າງໆເປັນປະຈຳນີ້ກໍ່ເພື່ອກວດກາການຈຳໜ່າຍ ແລະ ການຊື້ຊີ້ນໝູ ແລະ ຜະລິດຕະພັນອື່ນໆ ເພື່ອໃຫ້ສອດຄ່ອງກັບລາຄາທີ່ກໍານົດໄວ້, ນອກນັ້ນຍັງໄດ້ຕິດຕາມ ແລະ ກວດກາອາຫານທະເລທີ່ນຳເຂົ້າເພາະອາດຈະມີສານປົນ ເປື້ອນທີ່ສາມາດເປັນອັນຕະລາຍຕໍ່ສຸຂະພາບຂອງຜູ້ບໍລິໂພກ. ໃນໄລຍະທີ່ລົງກວດໄດ້ພົບເຫັນບາງ ຮ້ານຂາຍຊີ້ນໝູໃນລາຄາທີ່ແພງກວ່າກໍານົດໄວ້ ຊຶ່ງທາງພະແນກອຸດສາຫະກຳ ແລະ ການຄ້າແຂວງ ໄດ້ມີການຕັກເຕືອນ ແລະ ປັບໃໝ.

ພະແນກອຸດສາຫະກໍາ ແລະ ການຄ້າແຂວງຈໍາປາສັກໄດ້ກໍານົດລາຄາຂາຍຊີ້ນໝູໄວ້ຄື: ຊີ້ນໝູປະເພດ 1 ໃຫ້ຂາຍໃນລາຄາບໍ່ເກີນ 45.000 ກີບ/ກິໂລ ແລະ ຊີ້ນໝູປະເພດ 2 ໃຫ້ຂາຍໃນລາຄາບໍ່ເກີນ 40.000 ກີບຕໍ່ກິໂລ.

ຖ້າທ່ານໃດພົບເຫັນຜູ້ຂາຍ ຜະລິດຕະພັນຊີ້ນໝູໃນລາຄາສູງກວ່າລາຄາທີ່ກຳ ນົດໄວ້ສາມາດລາຍງານເຫດການດັ່ງກ່າວໃຫ້ຜູ້ບໍລິຫານຈັດການຕະຫລາດໄດ້ ຫລື ໂທ 020 22266966 ຫລື 020 58735555.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ