Vientiane Times Lao
ກອງທັບຈີນຊ່ວຍເຫຼືອອຸປະກອນ ການແພດ ໃຫ້ກອງທັບລາວ

ກອງທັບຈີນຊ່ວຍເຫຼືອອຸປະກອນ ການແພດ ໃຫ້ກອງທັບລາວ

ກອງທັບປົດປ່ອຍປະຊາຊົນຈີນໄດ້ໃຫ້ການສືບຕໍ່ຊ່ວຍເຫຼືອລ້າອຸປະກອນການແພດປ້ອງກັນພະຍາດໂຄວິດ-19 ໃຫ້ກອງທັບປະຊາຊົນລາວ ຊຶ່ງປະກອບມີທັງໝົດ 14 ລາຍການຄື: ເຄື່ອງກວດຫາເຊື້ອພະຍາດໂຄວິດ-19 ຈໍານວນ 403.200 ຊຸດ, ເຄື່ອງແຍກດີເອັນເອ 5 ຊຸດ, ເຄື່ອງກວດ PCR 5 ຊຸດ, ນໍ້າຢາກວດຫາເຊື້ອພະຍາດໂຄວິດ-19 ຈໍານວນ 30.000 ຊຸດ, ເຄື່ອງຊ່ວຍຫາຍໃຈ 15 ເຄື່ອງ, ເຄື່ອງດູດຂີ້ກະເທິ 15 ເຄື່ອງ, ເຄື່ອງຕິດຕາມຄົນເຈັບໜັກ 10 ເຄື່ອງ, ເຄື່ອງແທກຄື້ນໄຟຟ້າຫົວໃຈ 10 ເຄື່ອງ ເຄື່ອງວັດແທກອົກຊີປາຍມື 20 ເຄື່ອງ ແລະ​ ອື່ນໆ.

ພິທີມອບຮັບອຸປະກອນການແພດຄັ້ງນີ້ ໄດ້ຈັດຂຶ້ນເມື່ອບໍ່ດົນມານີ້ ທີ່ສະໜາມບິນສາກົນວັດໄຕ ໂດຍການກ່າວມອບຂອງ ທ່ານ ຈຽງ ຈ້າຍຕົງ ເອກອັກຄະລັດຖະທູດຜູ້ມີອໍານາດເຕັມແຫ່ງ ສປ ຈີນ ປະຈໍາລາວ ແລະ ກ່າວຮັບໂດຍທ່ານພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.ໃນໄລຍະຜ່ານມາ, ລັດຖະບານ ສປ ຈີນ ໄດ້ໃຫ້ການຊ່ວຍເຫຼືອວັກຊິນຕ້ານພະຍາດໂຄວິດ-19 ໃຫ້ແກ່ ສປປ ລາວ ຈໍານວນ 6.200.000 ໂດສ, ພ້ອມນັ້ນ ກອງທັບປົດປ່ອຍປະຊາຊົນຈີນ ກໍ່ໄດ້ໃຫ້ການຊ່ວຍເຫຼືອວັກຊິນດັ່ງກ່າວໃຫ້ແກ່ກອງທັບປະຊາຊົນລາວ 700.000 ໂດສ ເຊິ່ງເປັນການຊ່ວຍ ເຫຼືອທີ່ລໍ້າຄ່າເຮັດໃຫ້ກອງທັບ ແລະ ປະຊາຊົນລາວບັນດາເຜົ່າສາມາດສ້າງພູມຄຸ້ມກັນ ສະກັດກັ້ນເຊື້ອພະຍາດໂຄວິດ-19 ໄດ້ເປັນຢ່າງດີ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ