Vientiane Times Lao
ກອງປະຊຸມໃຫຍ່ອົງຄະນະພັກແຂວງ ວຽງຈັນ ຄັດເລືອກເອົາ ສະຫາຍ ຄໍາພັນ ສິດທິດໍາພາ ເປັນເລຂາພັກແຂວງຊຸດໃໝ່

ກອງປະຊຸມໃຫຍ່ອົງຄະນະພັກແຂວງ ວຽງຈັນ ຄັດເລືອກເອົາ ສະຫາຍ ຄໍາພັນ ສິດທິດໍາພາ ເປັນເລຂາພັກແຂວງຊຸດໃໝ່

ການປ່ອນບັດເລືອກຕັ້ງ ເອົາຄະນະບໍລິຫານງານພັກແຂວງ ຊຸດໃໝ່ ໃນກອງປະຊຸມໃຫຍ່ຄັ້ງທີ VI ອົງຄະນະພັກແຂວງ ວຽງຈັນ ໄດ້ຈັດຂຶ້ນໃນວັນທີ 18-19 ພະຈິກ 2020 ຜ່ານມານີ້ ທີ່ຫ້ອງປະຊຸມໃຫຍ່ຂອງແຂວງ, ຜົນປະກົດວ່າ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເປັນເລຂາຄະນະບໍລິຫານງານພັກແຂວງ ຊຸດໃໝ່, ສະຫາຍ ບຸນສອນ ເພັດລາວິນ ແລະ ສະຫາຍ ທອງສະຫວັນ ວົງສໍາພັນ ເປັນຮອງເລຂາຄະນະບໍລິຫານງານພັກແຂວງ.

ພ້ອມກັນນັ້ນ, ຍັງເລືອກຕັ້ງເອົາສະຫາຍ ສົມດີ ແກ້ວດາລາວິນ ເປັນປະທານກວດກາພັກແຂວງ, ສະຫາຍ ຄຳປ່ຽນ ຈັນທະມັງຄຸນ, ສະຫາຍ ກອງແພງ ແກ້ວພູທອງ ແລະ ສະຫາຍ ເຄນ ເຮືອງຄຳແສງ ເປັນຮອງປະທານກວດກາພັກແຂວງ.

ການປ່ອນບັດເລືອກຕັ້ງ ເອົາຄະນະບໍລິຫານງານພັກແຂວງຄັ້ງນີ້ ມີຜູ້ສະໝັກຮັບເລືອກຕັ້ງທັງໝົດ 40ສະຫາຍ (ຍິງ 05 ສະຫາຍ) ຊຶ່ງເລືອກໄດ້ 35 ສະຫາຍ (ຍິງ 05 ສະຫາຍ).

ໃນກອງປະຊຸມໃຫຍ່ຄັ້ງນີ້ ຍັງຄັດເລືອກເອົາຄະນະປະຈຳພັກແຂວງ ຈຳນວນ 11 ສະຫາຍ (ຍິງ 01 ສະຫາຍ) ແລະ ຍັງໄດ້ເລືອກເອົາຜູ້ແທນສົມບູນ ຈຳນວນ 27 ສະຫາຍ, ຍິງ 05  ແລະ ສຳຮອງ 03 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຂອງພັກຄັ້ງທີ XI.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ