Vientiane Times Lao
ກະກຽມຮັບມືກັບໄພພິບັດທີ່ອາດຈະເກີດຂຶ້ນ ໃນໄລຍະ 24-26 ກັນຍາ 2021 ນີ້

ກະກຽມຮັບມືກັບໄພພິບັດທີ່ອາດຈະເກີດຂຶ້ນ ໃນໄລຍະ 24-26 ກັນຍາ 2021 ນີ້

ຄະນະກຳມະການຄຸ້ມຄອງໄພພິບັດຂັ້ນສູນກາງ ໄດ້ອອກແຈ້ງການເມື່ອວັນທີ 23 ກັນຍາ 2021 ນີ້ ເຖິງຄະນະກຳມະການຄຸ້ມຄອງໄພພິບັດຂັ້ນແຂວງ, ນະຄອນຫຼວງວຽງຈັນ ເພື່ອກຽມພ້ອມຮັບມື ແລະ ຕອບໂຕ້ສຸກເສີນກັບໄພພິບັດ ທີ່ອາດຈະເກີດຂຶ້ນໃນລະຫວ່າງ ວັນທີ 24-26 ກັນຍາ 2021 ນີ້ ຢູ່ບາງທ້ອງຖິ່ນ ເຂດພາກກາງ, ພາກໃຕ້ ແລະ ພາກເໜືອດ້ານຕາເວັນຕົກ ເຊັ່ນ: ແຂວງ ສະຫວັນນະຂດ, ຄຳມ່ວນ, ບໍລິຄໍາໄຊ, ວຽງຈັນ, ໄຊສົມບູນ, ນະຄອນຫຼວງວຽງຈັນ, ອັດຕະປື, ຈໍາປາສັກ, ສາລະວັນ, ເຊກອງ, ຫຼວງພະບາງ, ໄຊຍະບູລີ ແລະ ບໍ່ແກ້ວ.

ໂດຍແຈ້ງການດັ່ງກ່າວລະບຸໄວ້ວ່າ: ໃຫ້ກໍາລັງປ້ອງກັນຊາດ-ປ້ອງກັນຄວາມສະຫງົບ ກະກຽມທາງດ້ານກຳລັງພົນ, ພາຫະນະ ແລະ ອຸປະກອນຕ່າງໆ ເພື່ອກຽມພ້ອມໃຫ້ການກອບກູ້ ແລະ ຊ່ວຍເຫຼືອປະຊາຊົນທີ່ໄດ້ຮັບຜົນກະທົບ ໃນກໍລະນີມີເຫດການສຸກເສີນ ໃຫ້ທັນສະພາບການ ເຊັ່ນ: ນໍ້າຖ້ວມກະທັນຫັນ, ນໍ້າຖ້ວມຊູ ແລະ ດິນເຈື່ອນ ພ້ອມທັງ ໃຫ້ພໍ່ແມ່ປະຊາຊົນ ມີສະຕິລະວັງຕົວ, ກຽມພ້ອມຍົກຍ້າຍຜູ້ທີ່ມີຄວາມສ່ຽງ, ເກັບມ້ຽນສິ່ງຂອງທີ່ມີຄ່າ, ກຽມຍົກຍ້າຍສັດລ້ຽງ ເພື່ອປ້ອງກັນ ແລະ ຮັບມືກັບເຫດການໄພພິບັດທີ່ອາດເກີດຂຶ້ນໃຫ້ທັນເວລາ.ເນື່ອງຈາກຮ່ອງຄວາມກົດດັນອາກາດຕໍ່າ ຫຼື ຮ່ອງຝົນ ໄດ້ພັດຜ່ານເຂດພາກໃຕ້ ຂອງ ສປປ ລາວ ປ່ອງໃສ່ຄວາມກົດດັນອາກາດຕໍ່າ ທີ່ປົກຄຸມຢູ່ທະເລຈີນໃຕ້ຕອນກາງດ້ວຍກຳລັງແຮງ, ຄາດວ່າຈະເພີ່ມກໍາລັງແຮງຂຶ້ນກາຍເປັນພາຍຸເຂດຮ້ອນ ແລະ ຈະເຄື່ອນຜ່ານພາກກາງ ຫາ ພາກໃຕ້ຂອງປະເທດລາວ ໃນວັນທີ 24-25 ກັນຍາ 2021.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ