Vientiane Times Lao
ກະຊວງສຶກສາ ກຽມນຳອຸປະກອນການແພດໄປແຈກຢາຍໃຫ້ໂຮງຮຽນຢູ່ເຂດຊົນນະບົດ

ກະຊວງສຶກສາ ກຽມນຳອຸປະກອນການແພດໄປແຈກຢາຍໃຫ້ໂຮງຮຽນຢູ່ເຂດຊົນນະບົດ

ກະຊວງແຮງງານ ແລະ ສະຫວັດດີການສັງຄົມ ໄດ້ມອບອຸປະກອນການແພດ ໃຫ້ກະຊວງສຶກສາທິການ ແລະ ກິລາ ເພື່ອເປັນການປະກອບສ່ວນຊວ່ຍເຫຼືອ, ແຈກຢາຍໃຫ້ກັບນັກຮຽນໃນໂຮງຮຽນຢູ່ເຂດຊົນນະບົດ ເພື່ອນໍາໃຊ້ໃນການປ້ອງກັນເຊື້ອພະຍາດໂຄວິດ-19.

ເຄື່ອງຊ່ວຍເຫຼືອດັ່ງກ່າວ ປະກອບມີ: ຜ້າອັດປາກ-ອັດດັງ ຈຳນວນ 500 ກັບ, ເຈວລ້າງມື ຈຳນວນ 240 ຂວດ ແລະ ສະບູ 50 ແພັກ, ລວມມູນຄ່າທັງໝົດ 31.000.000 ກີບ.

ພິທີມອບຊ່ວຍເຫຼືອດັ່ງກ່າວ ໄດ້ມີຂຶ້ນໃນວັນທີ 4 ມິຖຸນາ ນີ້ ຢູ່ນະຄອນຫຼວງວຽງຈັນ ລະຫວ່າງ ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງ ສຶກສາທິການ ແລະ ກິລາ.

ໃນໂອກາດນີ້, ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວວ່າ: ໃນວັນທີ 2 ມິຖຸນາ 2020 ທີ່ຜ່ານມາ, ກະຊວງ ສຶກສາທິການ ແລະ ກິລາ ໄດ້ມີການອະນຸຍາດເປີດການຮຽນ-ການສອນຄືນໃໝ່ ພາຍຫຼັງການລະບາດຂອງເຊື້ອໂຄວິດ-19 ພາຍໃນປະເທດຜ່ອນຄາຍລົງ, ຊຶ່ງເຫັນວ່າ ມີຫລາຍໂຮງຮຽນທີ່ຢູ່ຊົນນະບົດໄດ້ຂາດເຂີນອຸປະກອນປ້ອງກັນພະຍາດໂຄວິດ-19, ເປັນຕົ້ນຜ້າອັດປາກ-ດັງ, ເຈວລ້າງມື ແລະ ອື່ນໆ, ສະນັ້ນ ເຄື່ອງຊ່ວຍເຫຼືອຄັ້ງນີ້ ທາງກະຊວງ ພວກເຮົາ ກໍຈະໄດ້ນຳໄປແຈກຢາຍໃຫ້ກັບບັນດາໂຮງຮຽນຕ່າງໆ ເພື່ອເຮັດໃຫ້ການປ້ອງກັນເຊື້ອໂຄວິດ-19 ໄດ້ດີຂຶ້ນ ແລະ ດຳເນີນການຮຽນ-ການສອນ ໃຫ້ຈົບຕາມຫຼັກສູດທີ່ວາງໄວ້.

ຂ່າວ: ວຽງຈັນທາຍ 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ