Vientiane Times Lao
ກະຊວງ ຍທຂ ຈະສ້າງ​ຂົວນໍ້າພະນາຍ ເມືອງທຸລະຄົມເປັນຂົວເບຕົງເສີມເຫຼັກ

ກະຊວງ ຍທຂ ຈະສ້າງ​ຂົວນໍ້າພະນາຍ ເມືອງທຸລະຄົມເປັນຂົວເບຕົງເສີມເຫຼັກ

ກະຊວງໂຍທາທິການ ແລະ ຂົນສົ່ງ (ຍທຂ) ຈະສ້າງຂົວນໍ້າພະນາຍ ຢູ່ ເມືອງທຸລະຄົມ ແຂວງວຽງຈັນ ເປັນຂົວເບຕງເສີມເຫຼັກເພື່ອຮັບປະກັນບໍ່ໃຫ້ຫັກ ພາຍຫຼັງທີ່ເກີດເຫດຂົວດັ່ງກ່າວຫັກແລ້ວ 3 ຄັ້ງ ຊຶ່ງການກໍ່ສ້າງຂົວດັ່ງກ່າວນີ້ ມີມູນຄ່າຫຼາຍກວ່າ 4,7 ຕື້ກີບ ໂດຍແມ່ນທຶນສົມທົບຂອງກອງທຶນທາງຫຼວງແຫ່ງຊາດ ຈໍານວນ 3,8 ຕື້ກວ່າກີບ ແລະ ບໍລິສັດມາລີນີ 950 ລ້ານກວ່າກີບ.
ຂົວດັ່ງກ່າວມີຄວາມຍາວ 25 ແມັດ, ກວ້າງ 12 ແມັດ ຊຶ່ງຈະໃຊ້ເວລາໃນການກໍ່ສ້າງ 1 ປີ ໂດຍມອບໃຫ້ກົມຂົວທາງເປັນເຈົ້າຂອງໂຄງການ.
ຄະນະຮັບຜິດຊອບການກໍ່ສ້າງ ໂດຍມີ ທ່ານ ບົວຈັນ ອ້ວນສະຫວັນ ຮອງຫົວໜ້າກົມຂົວທາງກະຊວງໂຍທາທິການ ແລະ ຂົນສົ່ງ, ທ່ານນາງ ວົງເດືອນ ວັດຕະໂສ ເຈົ້າເມືອງທຸລະຄົມ, ທ່ານ ພຸດສະດຸ ອິນທະວົງ ປະທານ ບໍລິສັດ ມາລີນີ ຈໍາກັດ ໃນນາມຜູ້ຮັບເໝົາກໍ່ສ້າງ, ພ້ອມດ້ວຍວິຊາການ ແລະ ພາກສ່ວນກ່ຽວຂ້ອງ ໄດ້ລົງກວດກາເບິ່ງພື້ນທີ່ຕົວຈິງ ເມື່ອວັນທີ 3 ພຶດສະພາ 2021 ທີ່ຜ່ານມາ.

ຂໍ້ມູນ-ພາບ: ຫ້ອງການ ຖວທ ເມືອງທຸລະຄົມ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ