Vientiane Times Lao
ການນຳ ຖວທ ຮ່ວມພິທີປິດ ປີແຫ່ງການແລກປ່ຽນຂໍ້ມູນຂ່າວສານ ອາຊຽນ-ຈີນ

ການນຳ ຖວທ ຮ່ວມພິທີປິດ ປີແຫ່ງການແລກປ່ຽນຂໍ້ມູນຂ່າວສານ ອາຊຽນ-ຈີນ

ການນຳກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວພ້ອມດ້ວຍຄະນະໄດ້ເຂົາຮ່ວມ ພິທີປິດ ປີແຫ່ງການແລກປ່ຽນຂໍ້ມູນຂ່າວສານ ຂອງ ອາຊຽນ ກັບ ຈີນ (ASEAN-China Year of Media Exchanges) ໃນມື້ນີ້ ວັນທີ 23 ທັນວາ 2019 ທີ່ ບາງກອກ, ປະເທດໄທ.

ການນຳດັ່ງກ່າວນຳໂດຍ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ ໄດ້ເຂົ້າຮ່ວມພິທີດັ່ງກ່າວ ຮ່ວມກັບ ບັນດາການນຳສື່ຕ່າງໆຈາກບັນດາປະເທດ ອາຊຽນ ແລະປະເທດຈີນ.

ທ່ານ ເທວັນ ລິບຕະພັນລົບ ລັດຖະມົນຕີປະຈຳສຳນັກງານນາຍົກລັດຖະມົນແຫ່ງປະເທດໄທ ໄດ້ກ່າວບາງຕອນໃນພິທີປິດຢ່າງເປັນທາງການວ່າ ການຮ່ວມມືທາງການສື່ມວນຊົນ ແລະ ຂໍມູນຂ່າວສານ ລະຫວ່າງບັນດາປະເທດອາຊຽນ ແລະ ຈີນ ໄດ້ຖືກຍົກລະດັບຂຶ້ນສູງກ່າວເກົ່າ ຊຶ່ງສະແດງອອກໃຫ້ເຫັນ ການອອກຖະແຫຼງການຮ່ວມລະຫວ່າງຈີນ ແລະ ອາຊຽນ ໃນການຮັດແໜ້ນແລກປ່ຽນການຮ່ວມມື ດ້ານສື່ມວນຊົນ ໃນກອງປະຊຸມອາຊຽນ-ຈີນ ຄັ້ງທີ 22 ທີ່ ບາງກອກ ໃນເດືອນພະຈິກທີ່ຜ່ານມາ. ການຮ່ວມມືດັ່ງກ່າວແມ່ນຊ່ວຍໃຫ້ເຄືອຂ່າຍສື່ມວນຊົນ ໄດ້ເພີ່ມຂີດຄວາມສາມາດດ້ານວິຊາການຂ່າວ, ທັງເປັນໂອກາດໃຫ້ກັບຜູ່ທີ່ກຳນົດນະໂຍບາຍ ແລະ ບັນດານັກສະແດງຈາກເອກະຊົນ ໃນການສົ່ງຂ່າວ, ຂໍ້ມູນ ແລະ ມຸມມອງຂອງອາຊີ ຈາກ ບັນດາເຄືອຂ່າຍຂ່າວທີ່ຢູ່ໃນຂົງເຂດ ໃຫ້ແຜ່ກະຈາຍໄປໃນທົ່ວໂລກ.

ທ່ານ ຍັງກ່າວຕື່ມອີກວ່າ ໃນອະນາຄົດ ພວກເຮົາຄວນແບ່ງປັນຂໍ້ມູນຂ່າວສານ ໂດຍສະເພາະຂ່າວທີ່ມີຄຸນນະພາບສູງ ທີ່ເຮັດໃຫ້ຄົນສົນໃຈໃຫ້ຫຼາຍຂຶ້ນ.

ໃນພິທີດັ່ງກ່າວ ທ່ານ ຮອງລັດຖະມົນ ສະຫວັນຄອນ ຍັງຮັບປຶ້ມອ່ານຈາກ ທ່ານ ວິກົມ ກົມມະດິດ ນັກຂຽນ ແລະ ປະທານສະພາທຸລະກິດ ໄທ-ຈີນ ໄດ້ມອບ ປຶ້ມອ່ານສອງຫົວ ຄື “ຂ້ອຍຈະເປັນຄົນດີ” ແລະ “ແມ່”.

ຂ່າວ: ວຽງຈັນທາຍ

ພາບ: ປັນຍາສິດ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ