Vientiane Times Lao
ການນໍາກະຊວງ ຖວທ ພົບປະໂອ້ລົມ ພະນັກງານບໍານານ

ການນໍາກະຊວງ ຖວທ ພົບປະໂອ້ລົມ ພະນັກງານບໍານານ

ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດງານພົບປະໂອ້ລົມພະນັກ ງານອາວຸໂສບໍານານ ອ້ອມຂ້າງກະຊວງ ໃນ ຕອນເຊົ້າວັນທີ 29 ພະຈິກ 2019 ທີ່ຫໍວັດ ທະນະທໍາແຫ່ງຊາດ ນະຄອນຫຼວງວຽງຈັນ ໃຫ້ກຽນເປັນ ທ່ານ ກິແກ້ວ ໄຂຄໍາພິທູນ ລັດຖະມົນຕີ ກະຊວງ (ຖວທ).

ເຂົ້າຮ່ວມຟັງການພົບປະໂອລົມລວມມີຮອງລັດ ຖະມົນຕີ, ຫົວໜ້າກົມ, ກົມ, ກອງໃນຂະແໜງ ການທີ່ກ່ຽວຂ້ອງ ພ້ອມດ້ວຍພະນັກງານ ບໍານານ ອາວຸໂສ ອ້ອມຂ້າງກະຊວງ ຖວທ ເຂົ້າຮ່ວມຮັບ ຟັງ, ເຊິ່ງກະຊວງ ຖວທ ມີພະນັກ ງານບໍານານ ຫຼາຍ ກວ່າ 300 ຄົນ.

ຈຸດປະສົງຂອງ ການພົບປະໂອ້ລົມພະນັກງານບໍານານອາວຸໂສ ໃນຄັ້ງນີ້ ເພື່ອພົບປະແລກປ່ຽນຄວາມຄິດຄວາມ ເຫັນຂອງຄະນະພັກ, ຄະນະນໍາກະຊວງ, ອະດີດການນໍາ, ພະນັກງານອາວຸໂສບໍານານ, ພະນັກງານຫຼັກແຫຼ່ງຂອງກະຊວງ ເພື່ອຈະໄດ້ນໍາ ເອົາຄວາມຄິດເຫັນຕ່າງໆເຫຼົ່ານີ້ໄປພັດທະນາ, ປັບປຸງ, ຍົກລະດັບວຽກງານກໍ່ຄືເຮັດ ໃຫ້ວຽກ ງານຂອງກະຊວງ ຖວທ ເຕີບໃຫ່ຍເຂັ້ມ ແຂງຂຶ້ນໄປເລື້ອຍໆຢ່າງບໍ່ຢຸດຢັ້ງ.

ພະນັກງານອາວຸໂສບໍານານຍັງຖືກຮຽກຮ້ອງໃຫ້ສືບຕໍ່ຍຶດໝັ້ນຈຸດໝາຍປາຍທາງຂອງພັກ, ເຊື່ອໝັ້ນຕໍ່ມູນເຊື້ອຮັກຊາດ ແລະ ເຊື່ອໝັ້ນຕໍ່ການນໍາພາຂອງພັກຂອງລັດ, ຍາມໃດກໍ່ເຊີດຊູນໍ້າໃຈຮັກຊາດຮັກບ້ານ ເກີດເມືອງນອນຂອງຕົນ ແລະ ປະກອບສ່ວນ ທາງດ້ານຄວາມຮູ້ຄວາມສາມາດ ຂອງຕົນຢູ່ສະ ຖານທີ່ທີ່ຕົນສັງກັດຢູ່. 

ພ້ອມນັ້ນ, ໃຫ້ເອົາໃຈໃສ່ສຸ ຂະພາບຂອງ ພະນັກງານບໍານານໃຫ້ດີ ແລະ ຊ່ວຍເຫຼືອເຊິ່ງກັນ ແລະກັນ. ທ່ານຍັງກ່າວຍໍ້າວ່າ ຈະພະຍາຍາມ ເອົາໃຈໃສ່ພະນັກງານບໍານານຕາມນະໂຍບາຍ, ລະບຽບ, ກົດໝາຍຂອງລັດທີ່ວາງໄວ້ ຄືດັ່ງຄໍາສຸພາສິດລາວທີ່ວ່າ: “ເຮັດນາແລ້ວຂ້າຄວາຍເຖິກ ເສິກແລ້ວຂ້າ ຄົນຫານ”. ອັນນີ້ບໍ່ແມ່ນທັດສະນະ ແລະ ແນວທາງຂອງພັກປະຊາຊົນປະຕິວັດລາວ ແລະ ບໍ່ແມ່ນວັດ ທະນະທໍາຂອງຄົນລາວ. ພະນັກງານບໍານານ ແມ່ນຜູ້ທີ່ມີຄຸນງາມຄວາມດີຕໍ່ພັກຕໍ່ລັດແລະຕໍ່ ປະເທດຊາດ.

ຂ່າວ: ວຽງຈັນທາຍ

Related Articles

Leave a Reply