Vientiane Times Lao
ການນໍາກະຊວງ ຖວທ ແນະນໍາການບໍລິໂພກສື່ຢ່າງມີສະຕິ

ການນໍາກະຊວງ ຖວທ ແນະນໍາການບໍລິໂພກສື່ຢ່າງມີສະຕິ

ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວໄດ້ອອກມາຮຽກຮ້ອງ ສັງຄົມໃຫ້ມີສະຕິໃນການບໍລິໂພກຂໍ້ ມູນຂ່າວສານຜ່ານສື່ສັງຄົມອອນລາຍ ໂດຍໃຫ້ຄຳນຶງເຖິງຜົນກະທົບຕໍ່ຕົນ ເອງ ແລະ ປະເທດຊາດ.
ທ່ານ ສະຫວັນຄອນ ລາຊມຸນຕີ ຮອງລັດຖະມົນຕີກະຊວງ ຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ສຳພາດຕໍ່ສື່ມວນຊົນໃນບໍ່ດົນ ມານີ້ວ່າ: ເຖິງວ່າພວກເຮົາໄດ້ເຮັດດີ ປານໃດ ບາງບຸກຄົນ ແລະ ກຸ່ມຄົນ ຈໍານວນໜຶ່ງຍັງມີການຕໍານິວິຈານ ພວກເຮົາແບບບໍ່ສ້າງສັນ, ເວົາຕາມໃຈ, ຕາມອາລົມຈິດຂອງຕົນເອງ. ກ່ອນທີ່ຈະເວົ້າອັນໃດວິຈານອັນໃດກໍ່ຕ້ອງຄໍານຶງເຖິງເຫດແລະຜົນ ວ່າມີຈິງ ພຽງໃດ. ບໍ່ແມ່ນວ່າມີໂທລະສັບມືຖື ຂອງຕົນສົ່ງຂໍ້ຄວາມ, ຮູບພາບ, ວີດີໂອ ແລະ ຖ່າຍທອດສົດ ໂດຍວິພາກວິ ຈານການນໍາ ພັກ-ລັດ ໄປຕາມອາ ລົມຂອງຕົນເອງວ່າບໍ່ເອົາໃຈໃສ່ຕໍ່ບັນຫາຕ່າງໆທີ່ເກີດຂຶ້ນໃນສັງຄົມ ໂດຍສະ ເພາະແມ່ນການຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນ້ຳ ຖ້ວມໃນຄັ້ງນີ້.
ທ່ານ ສະຫວັນຄອນ ໄດ້ອະທິບາຍວ່າ: ບໍ່ແມ່ນມີໂທລະສັບຕໍ່ອິນເຕີເນັດ ເຂົ້າ ແອັບ ແລ້ວກໍ່ສາມາດຕຳນິວິຈານໄດ້ ເລີຍ, ຕ້ອງຄຳນຶງເຖິງລະບຽບກົດ ໝາຍບ້ານເມືອງ, ຈິດໃຈຂອງປະຊາ ຊົນລາວ ໂດຍສະເພາະບັນດາການນຳ ພັກ-ລັດທີ່ກຳລັງເຮັດວຽກຢ່າງສຸດ ຄວາມສາມາດໃນການກອບກູ້ເອົາຊີ ວິດ, ຊັບສິນ ແລະ ຊ່ວຍເຫຼືອຟື້ນຟູ ຊີວິດການເປັນຢູ່ຂອງປະຊາຊົນທຸກໆບ່ອນທີ່ໄດ້ຮັບຜົນກະທົບຈາກໄພນໍ້າ ຖ້ວມໃນຄັ້ງນີ້.
ທ່ານ ຮອງລັດຖະມົນຕີ ຍັງໄດ້ຍົກບາງ ຕົວຢ່າງທີ່ບາງຄົນຈໍານວນໜຶ່ງທີ່ມີ ຄວາມຮູ້ເທົ້າບໍ່ເຖິງການອອກມາວິ ຈານວ່າ: ເອົາແຕ່ທະຫານໜຸ່ມ ນ້ອຍ ໄປຊ່ວຍປະຊາຊົນ, ອັນນີ້ກໍ່ໃຫ້ເຫັນ ຢ່າງຊັດເຈນວ່າຜູ້ກ່ຽວບໍ່ເຂົ້າໃຈຫຍັງ, ຖ້າເອົາຜູ້ອາວຸໂສຜູ້ເຖົ້າໄປກໍ່ຈະມີແຮງ ລຸຍນ້ຳລຸຍຕົມໄປຊ່ວຍປະຊາຊົນຢູ່ບໍ?. ອີກຢ່າງໜຶ່ງກໍ່ວ່າການຊ່ວຍເຫຼືອມີ ຄວາມຊັກຊ້າ ອັນນັ້ນກໍ່ບໍ່ຮູ້ວ່າຄວາມ ຫຍຸ້ງຍາກໃນການເດີນທາງ, ຝົນຕົກ ແຮງ, ລົມພັດແຮງ, ສະພາບນ້ຳຖ້ວມ ກໍ່ໄດ້ຕັດຂາດ ເສັ້ນທາງຄົມມະນາຄົມ ບາງບ່ອນ, ສະນັ້ນ ບັນຫາເຫຼົ່ານີ້ຈະ ສາມາດໃຫ້ ທາງພາກສວ່ນທີ່ກ່ຽວ ຂ້ອງເຂົ້າຊ່ວຍປະຊາຊົນໄດ້ຕາມຈິດ ໃຈຂອງບຸກຄົນໃດບຸກຄົນໜຶ່ງໄດ້ ແນວໃດ, ຕ້ອງອີງໃສ່ສະພາວະຄວາມ ເປັນຈິງ.
ທ່ານ ສະຫວັນຄອນ ຍັງໄດ້ບອກຕື່ມ ອີກວ່າ ປະຊາທິປະໄຕມີຂອບເຂດ, ບໍ່ແມ່ນຢາກເວົ້າຫຍັງແລ້ວເວົ້າຢາກວ່າຫຍັງແລ້ວວ່າ, ສັງຄົມໝຶ່ງໆມີລະບຽບ, ມີກົດໝາຍ.
ສະນັ້ນ, ຕໍ່ກັບບັນກາດັ່ງກ່າວ ທາງກະ ຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວກໍ່ໄດ້ມີການຈັດຕັ້ງ ປະຕິບັດຕາມການຊີ້ນຳ ແລະ ມອບ ໝາຍຈາກລັດຖະບານໃຫ້ມີການລາຍ ງານຂ່າວຢ່າງເປັນປົກກະຕິ ແລະ ຊັດ ເຈນ ເພື່ອໃຫ້ບັນດາຜູ້ຄົນດັ່ງກ່າວ ເຂົ້າໃຈເຖິງ ເນື້້ອໃນແລະຈິດໃຈ ຂອງ ການນຳພັກ-ລັດ, ປະຊາຊົນລາວບັນ ດາເຜົ່າ ໄດ້ຊ່ວຍເຫຼືອ, ກອບກູ້ເອົາ ຊີວິດ, ຊັບສິນ ແລະ ປັບປຸງ, ຟື້ນຟູພື້ນ ຖານໂຄງລ່າງຈາກໄພພິບັດດັ່ງກ່າວ.
ທ່ານ ສະຫວັນຄອນ ໄດ້ກ່າວວ່າສື່ ມວນຊົນລາວໃນທຸກສໍານັກຂ່າວບໍ່ຈະ ເປັນສື່ສິ່ງພິມ, ສື່ອີເລັກໂຕຣນິກ ວິທະຍຸ, ໂທລະພາບ ແລະ ສື່ອອນ ລາຍທີ່ມີກໍ່ໄດ້ແຈ້ງຂ່າວຂອງກົມອຸຕຸນິ ຍົມອຸທົກກະສາດວ່າ ພາຍຸແຕ່ລະຄັ້ງ ຈະມາເຖິງລາວ ລວມທັງພາຍຸບູໂດ ຈະມາຮອດລາວເວລາໃດ ແລະ ປະຊາຊົນຕ້ອງກຽມຮັບມືແນວໃດ ແລະ ນັບແຕ່ຝົນໄດ້ລິນລົງນັກຂ່າວ ຢູ່ແຕ່ລະທ້ອງຖິ່ນກໍ່ໄດ້ລາຍງານສະ ພາບການຜ່ານຫຼາກຫຼາຍຊ່ອງທາງ ເພື່ອໃຫ້ສັງຄົມ ກໍຄືພໍ່ແມ່ປະຊາຊົນ ມີຄວາມກຽມພ້ອມ. ພ້ອມນັ້ນລັດຖະ ບານກໍ່ໄດ້ຈັດກອງປະຊຸມສຸກເສີນໃນ ການແກ້ໄຂໄພພິບັດນ້ຳຖ້ວມ ໃນເວລາ ດຽວກັນນັ້ນ ກະຊວງ ຖວທ ກໍ່ໄດ້ເຮັດ ວຽກຢ່າງເອົາຈິງເອົາຈັງຢ່າງບໍ່ຮູ້ດຮູ້ ເມື່ອຍໃນການລາຍງານຂ່າວຢູ່ເຂດ ໄພພິບັດໄດ້ຢ່າງທັນກັບເຫດການ ຜ່ານສື່ຕ່າງໆໂດຍສະເພາະແມ່ນສື່ ອອນລາຍ. ກະຊວງໄດ້ມີການຕັ້້ງສູນຂ່າວລາຍງານເປັນແຕ່ລະໄລຍະລະຫວ່າງສູນກາງ ແລະ ທ້ອງຖິ່ນ, ພ້ອມນັ້ນຍັງໄດ້ສົ່ງທີມ ງານນັກຂ່າວລົງໄປປະຈໍາຢູ່ເຂດໄພພິ ບັດ ເພື່ອລາຍງານສະພາບນໍ້າຖ້ວມ ຢູ່ບັນດາແຂວງພາກກາງ ແລະ ພາກ ໃຕ້. ກະຊວງໄດ້ມີການສັບປ່ຽນທີມຂ່າວລົງ ໄປເພື່ອເຮັດໜ້າທີ່ສື່ມວນຊົນຕາມພາລະບົດບາດຂອງຕົນຈົນເຖິງປະຈຸບັນ.
ເປົ້້າໝາຍຫຼັກກໍ່ເພື່ອສ້າງຄວາມເຂົ້າໃຈຕໍ່ຜູ້ບໍລິໂພກຂໍ້ມູນຂ່າວສ່ານໃນທົ່ວສັງຄົມ, ພາກພື້ນ ແລະ ໃນໂລກ, ຕີຖອຍ ບັນດາຂໍ້ມູນທີ່ບິດເບືອນຄວາມເປັນ ຈິງ, ໂຈມຕີ ແລະ ວິຈານຕ່າງໆຈາກຜູ້ ທີ່ບໍ່ຫວັງດີ ແລະ ຜູ້ທີ່ຮູ້ເທົ່າບໍ່ເຖິງການ ໃນການນຳໃຊ້ເຕັກໂນໂລຊີໂຄສະນາ ຂໍ້ມູນຂ່າວສານຕ່າງໆ.
ຂ່າວ: ສຸກນີລັນດອນ
ພາບ: ປັນຍາສິດ

Related Articles

Leave a Reply