Vientiane Times Lao
ການນໍາ ແລະ ພະນັກງານກະຊວງ ຮສສ ສ້າງຂະບວນການບໍລິຈາກເລືອດ ເພື່ອຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ VI

ການນໍາ ແລະ ພະນັກງານກະຊວງ ຮສສ ສ້າງຂະບວນການບໍລິຈາກເລືອດ ເພື່ອຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ VI

ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ທ່ານ ຄຳແພງ ໄຊສົມແພງ ໄດ້ນຳພາພະນັກງານ-ລັດຖະກອນ ທົ່ວກະຊວງ ຮສສ ເຂົ້າຮ່ວມບໍລິຈາກເລືອດຊ່ວຍເຫຼືອສັງຄົມ ເພື່ອເປັນການສ້າງຂະບວນການ ຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ VI ຂອງອົງຄະນະພັກ ກະຊວງ ຮສສ ທີ່ຈະໄຂຂຶ້ນໃນໄວໆນີ້ ແລະ ເປັນການສ້າງຂະບວນການຂໍ່ານັບຮັບຕ້ອນກອງ ປະຊຸມ ໃຫຍ່ ຄັ້ງທີ XI ຂອງພັກ ໃຫ້ເປັນຂະບວນຟົດຟື້ນ ຊຶ່ງການບໍລິຈາກເລືອດດັ່ງກ່າວໄດ້ຈັດຂື້ນ ເມື່ອວັນທີ 25 ກັນຍາທີ່ຜ່ານມາ ຢູ່ເຮືອນຮັບແຂກ ກະຊວງ ຮສສ.
ລັດຖະມົນຕີກະຊວງ ຮສສ ທ່ານ ຄຳແພງ ໄຊສົມແພງ ໄດ້ກ່າວໃນການ ບໍລິຈາກເລືອດ ໃນຄັ້ງນີ້ວ່າ: ການບໍລິຈາກເລືອດໃນມື້ນີ້ຄຽງຄູ່ກັບການສ້າງຂະບວນການ ຂໍ່ານັບຮັບ ຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກກະຊວງ ຮສສ ແລະ ຂໍ່ານັບຮັບ ຕ້ອນກອງປະຊຸມໃຫຍ່ ຄັ້ງທີ XI ຂອງພັກແລ້ວຍັງເປັນການຊ່ວຍເຫຼືອຄົນເຈັບປ່ວຍ ທີ່ຕ້ອງການເລືອດເພື່ອປິ່ນປົວ ໃຫ້ລອດຊີວິດ ຢູ່ໂຮງໝໍແຫ່ງຕ່າງໆໃນຂອບເຂດທົ່ວປະເທດ.
ທ່ານ ຄຳແພງ ໄດ້ກ່າວຕື່ມວ່າ: ຄວາມຈຳເປັນນຳໃຊ້ເລືອດຢູ່ປະເທດເຮົາໃນແຕ່ລະວັນ ແມ່ນມີຈຳນວນຫຼາຍ, ມີຜູ້ເຈັບປ່ວຍຢູ່ຕາມໂຮງໝໍຕ່າງໆ ທີ່ຕ້ອງການເລືອດໃນແຕ່ລະມື້ ປະມານ100-200 ຖົງ.

ຂ່າວ-ພາບ: ຮສສ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ