ສປປ ລາວ ເປັນປະເທດໜຶ່ງທີິ່ມີຄວາມຫຼາກຫຼາຍທາງດ້ານຊີວະນາໆພັນໃນອາຊີຕາເວັນອອກສຽງໃຕ້ ແລະ ມີຊັບພະຍາກອນປ່າໄມ້ ແລະ ແຫຼ່ງນໍ້າທີິ່ອຸດົມສົມບູນ ຊຶ່ງການປົກປັກຮັກສາຊີວະນາໆພັນຢູ່ລາວແມ່ນມີບົດບາດສໍາຄັນ ແລະ ເປັນກຸນແຈສໍາຄັນໃນການປະກອບສ່ວນໃນການລຶບລ້າງຄວາມທຸກຍາກຂອງປະຊາຊົນບັນດາເຜົ່າຢູ່ລາວ.
ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ທ່ານ ສົມມາດ ພົລເສນາ ໄດ້ເຂົ້າຮ່ວມກອງປະຊຸມສຸດຍອດ ກ່ຽວກັບ ຊີວະນາໆພັນ ເມື່ອບໍ່ດົນມານີ້ທີິ່ນິວຢອກ, ສະຫະລັດອາເມລິກາ ໂດຍຜ່ານລະບົບສື່ສານທາງໄກ (Video Conference) ພາຍໃຕ້ຫົວຂໍ້: ການດໍາເນີນການຢ່າງຮີບດ່ວນ ກ່ຽວກັບຊີວະນາໆພັນ ເພື່ອການພັດທະນາແບບຍືນຍົງ ໂດຍການເປັນປະທານ ຂອງ ເລຂາທິການໃຫຍ່ອົງການສະຫະປະຊາຊາດ ທ່ານ Antonio Guterres ແລະ ບັນດາລັດຖະມົນຕີ ຂອງບັນດາປະເທດທີ່ເປັນພາຄີ ຈໍານວນ 90 ປະເທດ.
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອປຶກສາຫາລືກ່ຽວກັບການແກ້ໄຂການສູນເສຍຊີວະນາໆພັນ, ການເຊື່ອມສານຊີວະນາໆພັນເພື່ອການພັດທະນາແບບຍືນຍົງ, ການຫມູນໃຊ້ວິທະຍາສາດ, ເຕັກໂນໂລຊີ, ນະວັດຕະກໍາໃໝ່ ການສ້າງຂີດຄວາມສາມາດ ໃນການເຂົ້າເຖິງ ແລະ ການແບ່ງປັນຜົນປະໂຫຍດຮ່ວມກັນ, ການສະໜອງທຶນແລະ ການເປັນຄູ່ຮ່ວມມືສໍາລັບວຽກງານຊີວະນາໆພັນ.
ເນື່ອງໃນໂອກາດດັ່ງກ່າວ ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ທ່ານ ສົມມາດ ພົລເສນາ ໄດ້ລາຍງານສະພາບຊີວະນາໆພັນ ແລະ ການປົກປັກຮັກສາຊີວະນາໆພັນຢູ່ ສປປ ລາວ ທີ່ກອງປະຊຸມດັ່ງກ່າວໂດຍມີເນື້ອໃນບາງຕອນທີ່ສໍາຄັນວ່າ: ສປປ ລາວ ເປັນປະເທດໜຶ່ງ ທີິ່ມີຄວາມຫຼາກຫຼາຍທາງດ້ານຊີວະນາໆພັນ ໃນອາຊີຕາເວັນອອກສຽງໃຕ້ ແລະ ມີຊັບພະຍາກອນປ່າໄມ້ ແລະ ແຫຼ່ງນໍ້າທີິ່ອຸດົມສົມບູນ.ໃນຖານະທີິ່ເປັນລັດພາຄີ ຂອງສົນທິສັນຍາສາກົນວ່າດ້ວຍ ຊີວະນາໆພັນ (CBD) ຕັ້ງແຕ່ ປີ 1996, ລັດຖະບານ ແຫ່ງ ສປປ ລາວ ໄດ້ໃຫ້ຄວາມສໍາຄັນສູງຕໍ່ການປົກປັກຮັກສາຊີວະນາໆພັນ ເຊີິ່ງສະແດງອອກຄຶ : ໄດ້ໃຫ້ຄໍາໝັ້ນສັນຍາໃນການສ້າງບົດລາຍງານແຫ່ງຊາດຕໍ່ສົນທິສັນຍາດັັ່ງກ່າວ ເຊີິ່ງຮອດປະຈຸບັນ ໄດ້ສໍາເລັດສະບັບທີ 6. ນອກນີ້, ຍັງໄດ້ສໍາເລັດການສ້າງແຜນຍຸດທະສາດ ແລະ ແຜນປະຕິບັດງານດ້ານຊີວະນາໆພັນແຫ່ງຊາດ ແລະ ແຜນງານການຄ້າຊີວະນາໆພັນ ໂດຍມີຈຸດປະສົງເພື່ອປົກປັກຮັກສາຊີວະນາໆພັນ ທັງເປັນກຸນແຈສໍາຄັນ ໃນການປະກອບສ່ວນໃນການລຶບລ້າງຄວາມທຸກຍາກຂອງປະຊາຊົນບັນດາເຜົ່າ. ຜົນໄດ້ຮັບຈາກການຈັດຕັ້ງປະຕິບັດຍຸດທະສາດ ແລະ ແຜນດໍາເນີນງານດັັ່ງກ່າວ ໄດ້ມີຄວາມຄຶບໜ້າຫລາຍດ້ານ ເປັນຕົົ້ນ ມາຮອດປີ 2020 ເນື້ອທີິ່ເຂດປ່າປ້ອງກັນແຫ່ງຊາດ ໄດ້ກວມເອົາ 14,2% ຂອງພື້ນທີ່ທົ່ວປະເທດ ເຊິ່ງເນື້ອທີ່ປົກຫຸ້ມປ່າໄມ້ ຂອງເຂດປ່າປ້ອງກັນ ໄດ້ເພີ່ມຂຶ້ນ 20,2% (ລວມທັງເຂດປ່າປ້ອງກັນແຂວງ ແລະ ປ່າປ້ອງກັນເມືອງ). ລັດຖະບານພວກເຮົາ ໄດ້ມີຄວາມສະດຸ້ງໄວ ກ່ຽວກັບຄວາມຈໍາເປັນຂອງການປົກປັກຮັກສາຊີວະນາໆພັນ ໂດຍໄດ້ສ້າງຕັ້ງລະບົບປ່າປ້ອງກັນແຫ່ງຊາດແບບຄົບຊຸດ ແລະ ອອກກົດໝາຍ, ດໍາລັດ ແລະ ນິຕິກໍາທີິ່ກ່ຽວຂ້ອງ ເພື່ອເປັນເຄື່ອງມື ໃນການຄຸ້ມຄອງຊັບພະຍາກອນປ່າໄມ້ , ສັດນໍ້າ ແລະ ສັດປ່າ ໃນຂອບເຂດທົ່ວປະເທດ.
ນອກນັ້ນລັດຖະບານລາວ ໄດ້ເພີ່ມທະວີການຊີ້ນໍາ-ນໍາພາ ໃນການບັງຄັບໃຊ້ກົດໝາຍ ເປັນຕົົ້ນແມ່ນການອອກຄໍາສັັ່ງເລກທີ 15 ຂອງນາຍົກລັດຖະມົນຕີ ວ່າດ້ວຍການຫ້າມການສົ່ງອອກໄມ້ທ່ອນ ເພື່ອເປັນການປົກປັກຮັກສາ ແລະ ອະນຸລັກປ່າໄມ້ ໃນປີ 2016.
ນອກຈາກນີ້, ລັດຖະບານ ຍັງໄດ້ສົ່ງເສີມການປູກຈິດສໍານຶກ, ການສຶກສາ ແລະ ການມີສ່ວນຮ່ວມຂອງຊຸມຊົນ ໃນການອະນຸລັກຊີວະນາໆພັນ ແລະ ການປົກປັກຮັກສາສິ່ງແວດລ້ອມ ໂດຍຈະສືບຕໍ່ຮ່ວມມືກັບ ອົງການສະຫະປະຊາຊາດ, ບັນດາປະເທດເພື່ອນມິດ ແລະ ອົງການຈັດຕັ້ງສາກົນ ແນໃສ່ເພື່ອປະກອບສ່ວນປົກປັກຮັກສາຊີວະນາໆພັນ ແລະ ຈັດຕັ້ງປະຕິບັດວາລະ 2030 ເພື່ອການພັດທະນາແບບຍືນຍົງ.
ຂ່າວ: ວຽງຈັນທາຍ
ພາບ: CNN.Com
