Vientiane Times Lao
ການປ້ອງກັນພະຍາດໂຄວິດ-19 ຢູ່ລາວ ຍັງມີຂໍ້ຄົງຄ້າງ ແລະ ສິ່ງທ້າທາຍຈຳນວນໜຶ່ງ ທີ່ຈະຕ້ອງໄດ້ສືບຕໍ່ເອົາໃຈໃສ່ແກ້ໄຂ

ການປ້ອງກັນພະຍາດໂຄວິດ-19 ຢູ່ລາວ ຍັງມີຂໍ້ຄົງຄ້າງ ແລະ ສິ່ງທ້າທາຍຈຳນວນໜຶ່ງ ທີ່ຈະຕ້ອງໄດ້ສືບຕໍ່ເອົາໃຈໃສ່ແກ້ໄຂ

ທ່ານພັນ​ຄຳ ວິ​ພາ​ວັນ ນາຍົກລັດຖະມົນຕີ ​ໄດ້ຖະແຫຼງກ່ຽວກັບການສືບຕໍ່ປະຕິບັດມາດຕະການສະກັດກັ້ນ ແລະ ຕ້ານການລະບາດຂອງພະຍາດ ໂຄວິດ-19 ຢູ່ ສປປ ລາວ ເມື່ອ ວັນທີ 20 ກໍລະກົດ 2021 ທີ່​ຜ່ານ​ມາໃຫ້​ຮູ້​ວ່າ: ເຖິງ​ແມ່ນ​ວ່າ ປະ​ເທດ​ເຮົາ​ຈະ​ມີ​ຜົນ​ສຳ​ເລັດ​ຫຼາຍ​ດ້ານ​ໃນ​ການ​ປ້ອງ​ ກັນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ໂດຍ​ສະ​ເພາະຈຳ​ນວນ​ຜູ້​ຕິດ​ເຊື້ອ​ພະ​ຍາດ​ດັ່ງ​ກ່າວ​ໃນ​ຊຸມ​ຊົນ​ຫຼຸດ​ລົງ ແຕ່​ຍັງ​ມີຂໍ້ຄົງຄ້າງ ແລະ ສິ່ງທ້າທາຍຈຳນວນໜຶ່ງ ທີ່ຈະຕ້ອງໄດ້ສືບຕໍ່ເອົາໃຈໃສ່ແກ້ໄຂໂດຍສະຕິຕື່ນຕົວຮັບ ຜິດຊອບຂອງຄົນຈຳນວນໜຶ່ງບໍ່ທັນດີ, ຍັງມີປະກົດການລ່ວງລະເມີດລະບຽບການທີ່ວາງອອກເຊັ່ນ: ມີການພົບປະກິນດື່ມຊຸມແຊວກັນ, ການເຄື່ອນໄຫວໄປມາ ທີ່ບໍ່ມີການປະຕິບັດມາດຕະການປ້ອງກັນ, ບໍ່ຈິງໃຈລາຍງານສະພາບຄວາມສ່ຽງຂອງການຕິດເຊື້ອຂອງຕົນເອງຕໍ່ເຈົ້າໜ້າທີ່ ແລະ ແພດໝໍ, ສູນຈຳກັດບໍລິເວນບາງທ້ອງຖິ່ນບໍ່ພຽງພໍ ແລະ ມີຂໍ້ຈຳກັດການອຳນວຍຄວາມສະດວກ, ແຮງງານລາວທີ່ເດີນ ທາງກັບຄືນປະເທດ ຈາກປະເທດເພື່ອນບ້ານໃກ້ຄຽງ ມີຈຳນວນຫຼວງຫຼາຍ ໃນນັ້ນມີຈຳນວນໜຶ່ງລັກລອບເຂົ້າມາແບບຜິດກົດໝາຍ, ຜູ້ຢູ່ສູນຈຳກັດບໍລິເວນ ຈຳນວນໜຶ່ງ ຍັງພະຍາຍາມລັກໜີອອກຈາກສູນ ກ່ອນຄົບກຳນົດ, ສະຖານທີ່ຮອງຮັບການປິ່ນປົວ ຍັງ​ບໍ່​ພຽງ​ພໍ  ແລະ ຈຳນວນແພດໝໍ ແລະ ອຸ​ປະ​ກອນ​ການ​ແພດ​ຍັງມີຈຳກັດ  ແລະ ອື່ນໆ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ