Vientiane Times Lao
ການລະເມີດກົດລະບຽບການສັນຈອນຂອງຜູ້ຂັບຂີ່ຍັງເປັນສາເຫດກໍ່ໃຫ້ເກີດອຸບັດເຫດ ທົ່ວປະເທດ

ການລະເມີດກົດລະບຽບການສັນຈອນຂອງຜູ້ຂັບຂີ່ຍັງເປັນສາເຫດກໍ່ໃຫ້ເກີດອຸບັດເຫດ ທົ່ວປະເທດ

ຈໍານວນອຸບັດເຫດຕາມທ້ອງຖະໜົນ ແລະ ຈໍານວນຜູ້ເສຍຊີວິດໄດ້ເພີ່ມຂຶ້ນໃນຂອບເຂດທົ່ວປະເທດ, ສ່ວນໃຫ່ຍຍ້ອນການລະເມີດກົດລະບຽບການສັນຈອນຂອງຜູ້ຂັບຂີ່ຍັງເກີດຂຶ້ນຈໍານວນຫຼາຍ ທີ່ເປັນປັດໄຈພາໃຫ້ເກີດອຸບັດເຫດ,ສະເພາະເດືອນພະຈິກ 2020 ຜ່ານມາ ນີ້ ມີຜູ້ເສຍຊີວິດເຖິງ 97 ຄົນ ເພີ່ມຂຶ້ນ 18 ຄົນຖ້າທຽບໃສ່ເດືອນຕຸລາທີ່ຜ່ານມາ ຊຶ່ງມີຜູ້ເສຍຊີວິດ 79 ຄົນ.
ອີງຕາມການລາຍງານສະ­ພາບການເກີດອຸ­ບັດ­ເຫດທົ່ວປະ­ເທດປະ­ຈຳເດືອນພະຈິກ 2020 ຂອງກົມຕຳ­ຫຼວດຈະ­ລາ­ຈອນ ກົມໃຫຍ່ຕຳ­ຫຼວດ ກະ­ຊວງປ້ອງກັນຄວາມສະ­ຫງົບ ວ່າ: ສະພາບອຸບັດເຫດຕາມທ້ອງຖະໜົນໃນຂອບເຂດທົ່ວປະເທດຍັງໜ້າເປັນຫ່ວງ ແລະ ມີທ່າອ່ຽງເພີ່ມຂຶ້ນເຖິງແມ່ນວ່າເຈົ້າໜ້າທີ່ ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍ່ຕາມ, ສະເພາະເດືອນພະຈິກ 2020 ນີ້ ມີອຸບັດເຫດເກີດຂຶ້ນທັງໝົດ 666 ກໍລະນີ , ມີຜູ້ບາດເຈັບ 1.074 ຄົນ ແລະ ພາຫະນະເປ່ເພ 1.185 ຄັນ.
ສໍາລັບ ສາຍເຫດແມ່ນເກີດຈາກ ການລະເມີດກົດລະບຽບການສັນຈອນ ເຊັ່ນ: ຂັບຂີ່ໄວເກີນກຳ­ນົດ, ແຊງຊ້າຍ-ຂວາບໍ່ຮັບ­ປະ­ກັນ ແລະ ອື່ນໆ, ຮ້າຍແຮງກ່ວານັ້ນ ຜູ້ຂັບຂີ່ຍັງດື່ມສິ່ງມຶນເມົາ ຂັບຂີ່ລົດໄວ ເປັນສາຍເຫດຂອງການເກີດອຸ­ບັດ­ເຫດຕາມທ້ອງຖະໜົນ.

ຂ່າວ: ວຽງຈັນທາຍ 

ຮູບ: ໜ່ວບກູ້ໄພ 1623

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ