Visit BigblueAgency
ການສ້າງສວນສາທາລະນະປະຕູໄຊ ໄລຍະທີ1 ຈະສໍາເລັດພາຍໃນເດືອນກັນຍາ ນີ້

ການສ້າງສວນສາທາລະນະປະຕູໄຊ ໄລຍະທີ1 ຈະສໍາເລັດພາຍໃນເດືອນກັນຍາ ນີ້

ການສ້າງສວນສາທາລະນະປະຕູໄຊ ໄລຍະທີ1 (ພື້ນທີ່ກະຊວງຍຸຕິທໍາ ຫຼັງເກົ່າ) ໃນເນື້ອທີ່ 1,5 ເຮັກຕາ ຄາດວ່າຈະສໍາເລັດພາຍໃນເດືອນກັນຍາ ປີ 2024 ນີ້, ພາຍຫຼັງ ການກໍ່ສ້າງໄດ້ເລີ່ມຈັດຕັ້ງປະຕິບັດນັບແຕ່ເດືອນພຶດສະພາ 2024 ເປັນຕົ້ນມາ.

ທ່ານ ບຸນຍະວັດ ນີຣະໄຊຍ໌ ຫົວໜ້າພະແນກ ໂຍທາທິການ ແລະ ຂົນສົ່ງ (ຍທຂ) ນະຄອນຫຼວງວຽງຈັນ ພ້ອມດ້ວຍຄະນະ ໄດ້ຖະແຫຼງຂ່າວຕໍ່ສື່ມວນຊົນໃນວັນທີ 16 ພຶດສະພາ 2024 ຜ່ານມານີ້ ວ່າ: ການປັບປຸງພື້ນທີ່ກະຊວງຍຸຕິທໍາ (ຫຼັງເກົ່າ) ໃຫ້ກາຍເປັນສວນສາທາລະນະທີ່ສວຍງາມ ກໍເພື່ອແນໃສ່ເຮັດໃຫ້ໃຈກາງນະຄອນຫຼວງວຽງຈັນ ມີພື້ນທີ່ສາທາລະນະສີຂຽວໃຫ້ຄວາມຮົ່ມເຢັນ, ເປັນບ່ອນພັກຜ່ອນຢ່ອນອາລົມ, ມີສວນຮົ່ມໄມ້, ຮ້ານຂາຍອາຫານເບົາ ແລະ ເຄື່ອງທີ່ລະນຶກ, ມີບ່ອນຈອດລົດ, ມີລະບົບໄຟຟ້າ, ນໍ້າປະປາ ແລະ ອື່ນໆ.

ສວນສາທາລະນະແຫ່ງນີ້ ຈະເພີ່ມສີສັນ ແລະ ສ້າງບັນຍາກາດໃໝ່ໃຫ້ນະຄອນຫຼວງວຽງຈັນ, ໂດຍສະເພາະໃນປີ 2024 ທີ່ ສປປ ລາວ ໄດ້ຮັບກຽດເປັນປະທານອາຊຽນ ທັງເປັນປີທ່ອງທ່ຽວລາວ ແລະ ນະຄອນຫຼວງວຽງຈັນ ກໍ່ເປັນເຈົ້າພາບຈັດກອງປະຊຸມບັນດາເຈົ້າຄອງນະຄອນຫຼວງອາຊຽນ.

ການສ້າງສວນສາທາລະນະປະຕູໄຊ ໄລຍະທີ1 ແມ່ນຖືກອອກແບບໂດຍຄະນະທີ່ປຶກສາສະຖາປະນິກ, ຄະນະອາຈານ ແລະ ນັກສຶກສາ ຈາກມະຫາວິທະຍາໄລແຫ່ງຊາດ, ໂດຍໄດ້ຮັບການສະໜັບສະໜູນດ້ານທຶນຮອນຈາກພະແນກການຄ້າ ແຂວງຢຸນນານ ສປ ຈີນ ຈໍານວນ 3 ແສນໂດລາສະຫະລັດ ແລະ ທຶນຈາກນະຄອນຫຼວງວຽງຈັນ ອີກຈໍານວນໜຶ່ງ.

Related Articles

Leave a Reply