Vientiane Times Lao
ກຳມະການຕັດສິນ FIFA 2021 ຍິງຄົນທຳອິດຂອງ ສປປ ລາວ

ກຳມະການຕັດສິນ FIFA 2021 ຍິງຄົນທຳອິດຂອງ ສປປ ລາວ

ສະຫະພັນບານເຕະນານາຊາດ ຫລື FIFA ໄດ້ຕົກລົງແຕ່ງຕັ້ງ ກຳມະການຕັດສິນ ແລະ ຜູ້ຊ່ວຍກຳມະການຕັດສິນບານເຕະ FIFA 2021 ແລະ ກຳມະການຕັດສິນຟຸດຊໍ FIFA 2021 ທັງໝົດຈຳນວນ 11 ທ່ານ, ພິເສດໄປກວ່ານັ້ນມີກຳມະການຕັດສິນຍິງ FIFA ຄົນທຳອິດທີ່ສອບເສັງຜ່ານ ຄື: ນາງ ແກ້ວມະນີ ແພງເມືອງຄູນ ເຊິ່ງເປັນກຳມະການຕັດສິນ ຍິງຄົນທຳອິດຂອງ ສປປລາວ.

ສຳລັບ ກຳມະການຕັດສິນ 11 ທ່ານ ປະກອບມີ: ກຳມະການຕັດສິນ​ (ຊາຍ)​ FIFA ຈຳນວນ 3 ທ່ານ: ທ່ານ ໄຊປະເສີດ ພົງສະນິດ, ທ່ານ ສວຍ ວົງຄຳ ແລະ ທ່ານ ຄຳສິງ ໄຊຍະວົງສີ ໃນນັ້ນ ກຳມະການ FIFA (ຍິງ) ຈຳນວນ 1 ທ່ານ ຄື: ທ່ານ ນາງ ແກ້ວມະນີ ແພງເມືອງຄູນ.

ນອກຈາກນັ້ນ ມີຜູ້ຊ່ວຍກຳມະການຕັດສິນ​ (ຊາຍ)​ FIFA ຈຳນວນ 5 ທ່ານ: ທ່ານ ສົມພາວັນ ຫຼວງລາດ, ທ່ານ ພອນສຸກສັນ ເຕໂຊ, ທ່ານ ກິຫຼ້າ ລາດຊະວົງ, ທ່ານ ບຸນພັນ ສີສຸວັນ, ທ່ານ ບຸນອູ້ມ ລາດຊະວົງ ພ້ອມຜູ້ຊ່ວຍກຳມະການ (ຍິງ)​ FIFA ຈຳນວນ 1 ທ່ານ: ນາງ ພຸດສະຫວັນ ຈັນທະວົງ ແລະ ກຳມະການຟຸດຊໍ FIFA ຈຳນວນ 1 ທ່ານ: ທ່ານ ຄຳປະສົງ ໄຊຍະວົງສີ.

ຂໍ້ມູນ: Lao Football Federation

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ