ການແຂ່ງຂັນບານເຕະ ຊີງແຊ້ມອາຊຽນ ມີດຊູບີຊີ ເອເລັກຕິກ 2024 ASEAN MITSUBISHI ELECTRIC CUP™ 2024, ໂດຍທີມຊາດລາວເຮົາ ຊຸດໃຫຍ່ ຢູ່ກຸ່ມ B ປະກອບມີ: ທີມຊາດຫວຽດນາມ, ອິນໂດເນເຊຍ, ຟີລິບປິນ ແລະ ມຽນມາ, ສ່ວນ ກຸ່ມ A ປະກອບມີ: ທີມຊາດໄທ, ມາເລເຊຍ, ສິງກະໂປ, ກຳປູເຈຍ ແລະ ຕີມໍ ເລສເຕ.
ການແຂ່ງຂັນບານເຕະ ASEAN Mitsubishi Electric Cup 2024 ຈະແຂ່ງຂັນໃນຮູບແບບເກົ່າ ຮອບແບ່ງສາຍ ແຂ່ງໃນບ້ານ 2 ນັດ ແລະ ນອກບ້ານ 2 ນັດ ເພື່ອຄັດເອົາທີມແຊ໋ມ ແລະ ຮອງແຊ໋ມກຸ່ມຜ່ານເຂົ້າສູ່ຮອບຮອງຊະນະເລີດ ໂດຍໃນຮອບ 4 ທີມຈະແຂ່ງຂັນແບບໃນບ້ານນອກບ້ານຕໍ່ໄປ, ຊຶ່ງລາຍການນີ້ ຈະແຂ່ງຂັນລະຫວ່າງວັນທີ 8 ທັນວາ 2024 ຫາ ວັນທີ 6 ມັງກອນ 2025.
ສໍາລັບ ຕາຕະລາງການແຂ່ງຂັນ ທີມຊາດລາວ ປະກອບມີ: ວັນທີ 9/12/2024 ເວລາ 20:00 ທີມຊາດລາວ ພົບ ທີມຊາດຫວຽດນາມ ຢູ່ທີ່ສະໜາມກິລາແຫ່ງຊາດຫຼັກ 16, ວັນທີ 12/12/2024 ເວລາ 20:00 ທີມຊາດລາວ ພົບກັບທີມຊາດອິນໂດເນເຊຍ ຢູ່ທີ່ສະໜາມກິລາ Gelora Bung Karno Stadium, ວັນທີ 15/12/2024 ເວລາ 17:30 ທີມຊາດລາວ ພົບກັບ ທີມຊາດຟີລິບປີນ ແຂ່ງຂັນຢູ່ທີ່ສະໜາມກິລາແຫ່ງຊາດຫຼັກ16 ແລະ ວັນທີ 18/12/2024 ເວລາ 17:00 ທີມຊາດລາວ ພົບກັບທີມຊາດມຽນມາ ຢູ່ທີ່ສະໜາມກິລາ Thuwunna Stadium
ຂໍ້ມູນ: ສຕລ
