Vientiane Times Lao
ຂ່າວລືທີ່ວ່າມີຄົນຕິດເຊື້ອ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນ​ໃໝ່ ຈຳນວນ 8 ຄົນ ທີ່ແຂວງຫຼວງນໍ້າທາ ແມ່ນບໍ່ມີຄວາມຈິງ

ຂ່າວລືທີ່ວ່າມີຄົນຕິດເຊື້ອ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນ​ໃໝ່ ຈຳນວນ 8 ຄົນ ທີ່ແຂວງຫຼວງນໍ້າທາ ແມ່ນບໍ່ມີຄວາມຈິງ

ທ່ານ ດຣ. ລັດຕະນະໄຊ ເພັດສຸວັນ, ຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະ ນະສຸກ ໄດ້ອອກມາຊີ້ແຈງມື້ວານນີ້ ວັນທີ 11 ກຸມພາ 2020 ກ່ຽວກັບສະພາບການລະບາດ ຂອງ ພະຍາດອັກເສບປອດທີ່ເກີດຈາກເຊື້ອ ຈຸລະໂລກສາຍພັນໃໝ່ novel Corona Virus pneumonia (nCoV) ຢູ່ລາວ ວ່າ : ປະເທດລາວພົບກໍລະນີສົງໄສ 20 ກໍລະນີ, ກໍລະນີຢັ້ງຢືນທີ່ເປັນພະຍາດດັ່ງກ່າວ 0 ກໍລະນີ. ໃນໄລຍະຜ່ານມາໄດ້ຂ່າວລືໜາຫູຢູ່ໃນສັງຄົມວ່າມີຄົນຕິດເຊື້ອ ພະຍາດ​ດັ່ງກ່າວ​ ຈຳນວນ 8 ຄົນ ທີ່ແຂວງຫຼວງນໍ້າທາ ແມ່ນບໍ່ມີຄວາມຈິງ ທຸກໆ ຂ່າວລືທີ່ເກີດຂຶ້ນ ພວກເຮົາໄດ້ມີທີມການ ໂຕ້ຕອບໄວພາກສະໜາມລົງໄປສອບສວນ ແລະ ຖ້າມີກໍລະນີສົງໄສ ພວກເຮົາເກັບຕົວຢ່າງ ມາກວດທັນທີ, ສະນັ້ນໃຫ້ໜັ້ນໃຈວ່າຖ້າມີຫຍັງ ເກີດຂຶ້ນທີມງານເຮົາຈະແຈ້ງໃຫ້ບັນດາທ່ານ ຊາບຮ່ວມກັນ.

ທ່ານ ດຣ. ລັດຕະນະໄຊ ໄດ້ແຈ້ງຕື່ມອີກວ່າ: ສະເພາະນັກທ່ອງທ່ຽວທີ່ເຂົ້າມາທ່ຽວລາວ ແລະ ກັບເມື່ອຈີນ (ໄປກວດພົບຢູ່ ສປ ຈີນ), ພວກເຮົາກໍ່ໄດ້ມີການຕິດຕາມຢ່າງໃກ້ຊິດທັງບຸກ ຄົນທີ່ເຮັດວຽກໃນການບໍລິການກຸ່ມທ່ອງທ່ຽວ,  ພະນັກງານຂັບລົດ, ຜູ້ບໍລິການໃນໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ, ທຸກຄົນ ທີ່ມີການສຳພັດ ຢູ່ແຂວງຫຼວງພະບາງ, ແຂວງ ຫຼວງນໍ້າທາ  ແລະ ອຸດົມໄຊ ແມ່ນໄດ້ມີການ ຕິດຕາມຢ່າງໃກ້ຊິດ ແລະ ເຫັນວ່າທັງໝົດຍັງມີ ສຸຂະພາບແຂງແຮງດີ. ປະຈຸບັນນີ້ທາງກົມຄວບຄຸມພະຍາດຕິດຕໍ່ໄດ້ມີ ການຮ່ວມມືກັບໜ່ວຍງານການຈັດຕັ້ງປະຕິບັດ ທາງດ້ານວິຊາການ, ການປະສານງານ, ເຝົ້າລະ ວັງ, ຫ້ອງວິເຄາະ, ດ່ານເຂົ້າອອກ, ການຕຽມ ພ້ອມໃນໂຮງໝໍ, ຄວບຄຸມການຕິດເຊື້ອໃນ, ພາລາທິການ, ໃຫ້ຂໍ້ມູນຂ່າວສານ ແລະ ອື່ນໆ ພ້ອມທັງອົງການຈັດຕັ້ງສາກົນຢ່າງເຊັ່ນ: ອົງການ ອະນາໄມໂລກ, ທະນາຄານໂລກ, ໂຄງການຮັກສາ ຄວາມປອດໄພທາງດ້ານສຸຂະພາບ, ຢູນuເຊັບ, US CDC, US AID, DTRA ແລະ ອື່ນໆ.

ຂ່າວ : ວຽງຈັນທາຍ

ພາບ: ສົມພາວັນ

 

 

Related Articles

Leave a Reply