Vientiane Times Lao
ຂ່າວເລື່ອງແມ່ມານມາເກີດລູກເສຍຊີວິດສ່ວນລູກປອດໄພ ຢູ່ໂຮງໝໍແຂວງຊຽງຂວາງ ບໍ່ມີມູນຄວາມຈິງ

ຂ່າວເລື່ອງແມ່ມານມາເກີດລູກເສຍຊີວິດສ່ວນລູກປອດໄພ ຢູ່ໂຮງໝໍແຂວງຊຽງຂວາງ ບໍ່ມີມູນຄວາມຈິງ

ຈາກກໍລະນີມີຜູ້ໃຊ້ເດບຸກທ່ານໜຶ່ງໄດ້ໂພດຂໍ້ຄວາມ ພ້ອມດ້ວຍພາບປະກອບ ຜ່ານສື່ສັງຄົມອອນລາຍຕ່າງໆ ເມື່ອວັນທີ 15 ຕຸລາ 2020 ທີ່ຜ່ານມາ ໂດຍມີເນື້ອຫາວ່າ: ມີແມ່ມານມາອອກລູກຢູ່ໂຮງໝໍແຂວງຊຽງຂວາງໂດຍເກີດແບບທໍາມະຊາດ ະນະເບັ່ງລູກອອກແມ່ໄດ້ເສຍເລືອດຫຼາຍຊຶ່ງໄດ້ເຮັດໃຫ້ແມ່ເສຍຊີວິດ ສ່ວນລູກປອດໄພນັ້ນ ໂຮງໝໍແຂວງຊຽງຂວາງໄດ້ອອກມາປະຕິເສດວ່າເປັນຂ່າວປອມ ແລະ ບໍ່ມີມູນຄວາມຈິງ.
ໂຮງໝໍແຂວງຊຽງຂວາງໄດ້ອອກໜັງສືຊີ້ແຈງ ເມື່ອວັນທີ 16 ຕຸລາທີ່ຜ່ານມາກ່ຽວກັບເລື່ອງດັ່ງກ່າວນີ້ ໂດຍລະບຸໄວ້ວ່າ: ຂ່າວນີ້ໄດ້ສ້າງຄວາມແຕກຕື່ນໃນສັງຄົມ ແລະ ສົ່ງຜົນກະທົບອັນຮ້າຍແຮງຕໍ່ໂຮງໝໍແຂວງຊຽງຂວາງ. ຜ່ານການກວດກາ ແລະ ເກັບກໍາຂໍ້ມູນຕົວຈິງເຫັນວ່າ ເລື່ອງດັ່ງກ່າວບໍ່ມີມູນຄວາມຈິງ ເປັນຂ່າວປອມ ອາດຈະແມ່ນກຸ່ມຄົນບໍ່ຫວັງດີ ທີ່ຫວັງສ້າງຄວາມບໍ່ສະຫງົບໃນສັງຄົມ ເປັນການປັ່ນປ່ວນ ໃສ່ຮ້າຍປ້າຍສີ ທັບຖົມໂຈມຕີແບບຊວນເຊື່ອ ເພື່ອຫວັງສ້າງຄວາມບໍ່ເຊື່ອໝັ້ນຕໍ່ການບໍລິການຂອງໂຮງໝໍແຂວງຊຽງຂວາງ ນອກນັ້ນພາບປະກອບຍັງບໍ່ແມ່ນສະຖານທີ່ຢູ່ໂຮງໝໍແຂວງຊຽງຂວາງ.

ຂ່າວ: ວຽງຈັນທາຍ 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ