Vientiane Times Lao
ຄະນະນໍາຊຸດໃໝ່ກຽມພ້ອມພັດທະນາ ສປປ ລາວ ໄປສູ່ຄຸນນະພາບໃໝ່ ຢ່າງແຂງແຮງ

ຄະນະນໍາຊຸດໃໝ່ກຽມພ້ອມພັດທະນາ ສປປ ລາວ ໄປສູ່ຄຸນນະພາບໃໝ່ ຢ່າງແຂງແຮງ

ຄະນະບໍລິຫານງານສູນກາງພັກສະໄໝທີ XI  ຫຼື ຊຸດໃໝ່ກຽມຜັນຂະຫຍາຍແນວທາງການ ປ່ຽນແປງໃໝ່ສູ່ລວງເລິກ, ສ້າງການຫັນປ່ຽນການພັດທະນາເສດຖະກິດ-ສັງຄົມ ໄປສູ່ຄຸນ ນະພາບໃໝ່ຢ່າງແຂງແຮງ, ຍົກລະດັບຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ ນໍາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ.
ອີງຕາມຜົນຂອງກອງປະຊຸມໃຫຍ່ຄັ້ງທີ 11 ຂອງພັກປະຊາຊົນປະ ຕິວັດລາວປທີ່ປະກອບໄປດ້ວຍກົມການເມືອງສູນກາງພັກ 13 ສະຫາຍ (ຍິງ 2), ກຳມະການຄະນະເລຂາທິການສູນກາງພັກ 9 ສະຫາຍ (ຍິງ 2), ກຳມະການ, ຄະນະກວດກາ ສູນກາງພັກທີ່ເປັນປະທານ 1 ສະຫາຍ ແລະ ຮອງປະທານ 6 ສະຫາຍ ແລະ ຄະນະບໍລິຫານງານສູນກາງພັກສະໄໝທີ XI ປະກອບດ້ວຍກຳມະການສົມບູນ 71 ສະຫາຍ (ຍິງ 12 ສະຫາຍ) ແລະ ກຳມະການສຳຮອງ 10 ສະຫາຍ (ຍິງ 2 ສະຫາຍ).
ກອງປະຊຸມໃຫຍ່ຜູ້ແທນທົ່ວປະເທດສະໄໝທີ XI ຂອງພັກປະຊາຊົນ ປະຕິວັດລາວທີ່ໄດ້ເປີດຂຶ້ນໃນວັນທີ13 ແລະ ໄດ້ປິດລົງມື້ວັນທີ 15 ມັງກອນ 2021 ທີ່ຜ່ານມາ ຢູ່ຫໍປະຊຸມແຫ່ງຊາດ ນະຄອນຫຼວງວຽງຈັນໂດຍມີຜູ້ແທນສົມບູນເຂົ້າຮ່ວມທັງໝົດ 768 ສະຫາຍ, ເຊິ່ງເປັນຕົວແທນໃຫ້ແກ່ສະມາຊິກພັກທັງໝົດໃນທົ່ວປະເທດ 348.686 ສະຫາຍ, ພ້ອມທັງ ມີແຂກຖືກເຊີນເຂົ້າຮ່ວມຈໍານວນ 147 ສະຫາຍ.
ໃນໄລຍະ 3 ວັນ ຂອງກອງປະຊຸມ ນອກຈາກມີການຄັດເລືອກເອົາກຳມະການຄະນະເລຂາທິການສູນກາງພັກ, ກຳມະການກົມການເມືອງສູນກາງພັກ, ຄະນະກວດກາສູນກາງພັກ ແລະ ຄະນະບໍລິຫານງານສູນກາງພັກສະໄໝທີ XI ແລ້ວ, ທີ່ປະຊຸມໄດ້ຄົ້ນຄວ້າ ແລະ ໄດ້ຮັບຮອງເອົາບົດລາຍງານການເມືອງຂອງຄະນະບໍລິຫານງານສູນກາງພັກ ສະໄໝທີ X ໃນ 5 ປີຜ່ານມາ ແລະ ຮັບເອົາຂໍ້ຄົງຄ້າງ, ຂໍ້ຂາດຕົກບົກຜ່ອງ ໃນການນໍາພາຊີ້ນໍາຂອງພັກ ກໍຄືການຈັດຕັ້ງປະຕິບັດໜ້າທີ່, ວຽກງານຈຸດສຸມໃນບາງດ້ານ ທີ່ບໍ່ສາມາດບັນລຸຜົນຕາມຄາດໝາຍທີ່ວາງອອກ, ທັງຊີ້ໃຫ້ເຫັນສາເຫດຕົ້ນຕໍ ເພື່ອກໍານົດທິດທາງມາດຕະການແກ້ໄຂທີ່ສອດຄ່ອງ ແລະແທດເໝາະ ເພື່ອຮັບປະກັນໃຫ້ແກ່ການຫັນປ່ຽນໃໝ່ຢ່າງຈິງຈັງ ໃນການຈັດຕັ້ງປະຕິບັດແນວທາງຂອງພັກໃນຕໍ່ໜ້າ ແລະ ອື່ນໆ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ