Vientiane Times Lao
ຄົນທີ່ພົບເຊື້ອພະຍາດໂຄວິດ-19 ໃໝ່ຖຶກສົ່ງຕົວໄປຮັກສາຢູ່ໂຮງໝໍມິດຕະພາບແລ້ວ

ຄົນທີ່ພົບເຊື້ອພະຍາດໂຄວິດ-19 ໃໝ່ຖຶກສົ່ງຕົວໄປຮັກສາຢູ່ໂຮງໝໍມິດຕະພາບແລ້ວ

ຄະນະສະເພາະກິດ, ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ໃນຕອນບ່າຍຂອງມື້ນີ້ວ່າ:ພົບຜູ້ຕິດເຊື້ອພະ ຍາດໂຄວິດ-19 ເພີ່ມອີກ 2 ຄົນຢູ່ລາວ ໃນວັນທີ 13 ສິງຫາຜ່ານມາ, ຫຼັງຈາກທັງສອງຄົນໄດ້ເດີນທາງມາແຕ່ຕ່າງປະເທດ ໃນວັນທີ 12 ສິງຫາ 2020 ແລະ ກວດພົບໃນໄລະຍກັກຕົວ ຫຼື ກັກບໍລິເວນ, ປັດຈຸບັນນີ້ທັງສອງຄົນຖືກສົ່ງຕົວໄປຮັກສາຢູ່ໂຮງໝໍມິດຕະພາບແລ້ວ.

 ຄະນະສະເພາະກິດ, ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ຕື່ມວ່າ: ເພດຊາຍທີ່ພົບເຊື້ອໂຄວິດ-19, ອາຍຸ 30 ປີ ເດີນທາງມາແຕ່ ສ ເກົາຫຼີ (ອິນຊອນ) ໃນວັນທີ 12 ສິງຫາທີ່ຜ່ານມາ ໂດຍຜ່ານທາງສະໜາມບິນສາກົນວັດໄຕ, ໃນຖ້ຽວບິນດັ່ງກ່າວມີຜູ້ໂດຍສານ 115 ຄົນ ແລະ ໄດ້ເດີນທາງອອກຈາກສະໜາມບິນດ້ວຍລົດຕູ້ຂອງໂຮງແຮມລວມ 8 ຄົນ, ໄດ້ມີການແທກອຸນຫະພູມຮ່າງກາຍຜູ້ກ່ຽວ ພົບຂຶ້ນ36-36,5 ອົງສາເຊ ແລະ ຕໍ່ມາເວລາປະມານ 13 ໂມງ 00 ຫາ 14 ໂມງ 00, ຜູ້ກ່ຽວຮູ້ສຶກມີອາການປາກແຫ້ງ ແຕ່ບໍ່ມີອາຫານໄອ ແລະ ໄຂ້, ຫຼັງຈາກໄດ້ເກັບຕົວຢ່າງຜູ້ກ່ຽວໃນວັນທີ 12 ຢູ່ສະໜາມບິນສາກົນວັດໄຕ ຜົນກວດອອກມາພົບເຊື້ອໂຄວິດ-19 ໃນມື້ຕໍ່ມາ.

ຜູ້ຕິດເຊື້ອໂຄວິດ-19 ຜູ້ທີ 2 ເປັນເພດຍິງ, ອາຍຸ 25 ປີ ເປັນນັກສຶກສາ (ບໍ່ມີອາການຄ້າຍນິຍາມຂອງພະຍາດໂຄວິດ-19), ໃນວັນທີ 10 ສິງຫາ ໄດ້ເດີນທາງມາແຕ່ອາເມລິກາ ໂດຍຜ່ານ ສ ເກົາຫຼີ (ອິນຊອນ) ໃຊ້ເວລາຢູ່ສະໜາມບິນປະມານ 15 ຊົ່ວໂມງ ແລະ ໃນວັນທີ 12 ໄດ້ເດີນທາງມາແຕ່ ສ ເກົາຫຼີ ເຂົ້າມາ ສປປ ລາວໂດຍຜ່ານສະໜາມບິນສາກົນວັດໄຕ, ມີຜູ້ໂດຍສານທັງໝົດ 115 ຄົນ, ໄດ້ເດີນທາງອອກຈາກສະໜາມບິນສາກົນວັດໄຕດ້ວຍລົດຕູ້ຂອງໂຮງແຮມລວມ 6 ຄົນ, ໃນວັນທີ 13 ໄດ້ກວດອຸນຫະພູມຮ່າງກາຍຂອງຜູ້ກ່ຽວພົບຂຶ້ນ 36-36,5 ອົງສາເຊ ແລະ ຕໍ່ມາເວລາປະມານ 6 ໂມງ 00 ຜູ້ກ່ຽວຮູ້ສຶກຕັນດັງ ແຕ່ບໍ່ມີອາການໄຂ້ ແລະ ໄອ ຊຶ່ງຫຼັງຈາກເກັບຕົວຢ່າງຜູ້ກ່ຽວຢູ່ສະໜາມບິນສາກົນວັດໄຕ ໃນວັນທີ 12 ແລະ ວັນທີ 13 ຜົນກວດອອກມາພົບຕິດເຊື້ອໂຄວິດ-19. ກໍລະນີໄຈ້ແຍກຜູ້ຢູ່ໃກ້ຊິດທັງ ສອງຄົນລວມມີ 37 ຄົນ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ