Vientiane Times Lao
ຄໍາມ່ວນສືບຕໍ່ປະຕິບັດມາດຕະການ ປ້ອງກັນ ພະຍາດໂຄວິດ-19 ອີກ 14 ວັນ

ຄໍາມ່ວນສືບຕໍ່ປະຕິບັດມາດຕະການ ປ້ອງກັນ ພະຍາດໂຄວິດ-19 ອີກ 14 ວັນ

ເຈົ້າແຂວງຄໍາມ່ວນໄດ້ອອກແຈ້ງການສະບັບໃໝ່ໃນວັນທີ 11 ຕຸລາ 2021 ທີ່ຜ່ານມາກ່ຽວກັບການໃຫ້ສືບຕໍ່ປະຕິບັດມາດຕະການປ້ອງກັນພະຍາດໂຄວິດ-19 ອີກ 14 ວັນນັບແຕ່ວັນທີ 12-25 ຕຸລາ 2021 ນີ້ ຍ້ອນວ່າແຂວງຄໍາມ່ວນຍັງສືບຕໍ່ກວດພົບຜູ້ຕິດເຊື້ອພະຍາດໂຄວິດ-19 ພາຍໃນແຂວງເປັນຈໍານວນຫຼາຍ ຊຶ່ງຄໍາສັ່ງສະບັບໃໝ່ນີ້ ມີ 16 ມາດຕະການສືບຕໍ່ປະຕິບັດ ແລະ ມີ 10 ມາດຕະການຜ່ອນຜັນ.

ເນື້ອໃນບາງຕອນທີ່ສໍາຄັນໃນແຈ້ງການສະບັບໃໝ່ນີ້ແມ່ນໃຫ້ສືບຕໍ່ປິດທາງເຂົ້າ-ອອກພາຍໃນແຂວງຄໍາມ່ວນ, ຫ້າມບຸກຄົນພາຍໃນແຂວງອອກນອກແຂວງ, ຫ້າມບຸກຄົນ ຫຼື ນິຕິບຸກຄົນຈາກຕ່າງແຂວງເດີນທາງເຂົ້າມາແຂວງຄໍາມ່ວນໂດຍເດັດຂາດ, ຫ້າມລົດຂົນສົ່ງສິນຄ້າ, ລົດໂດຍສານ ແລະ ລົດບຸກຄົນທີ່ເດີນທາງຜ່ານແຂວງຄໍາມ່ວນເພື່ອໄປແຂວງອື່ນນັ້ນ ຈອດເອົາຄົນ ແລະ ສິນຄ້າຂຶ້ນ-ລົງ, ຫ້າມຈັດປະຊຸມ, ໂຮມຊຸມນຸມ, ພິທີທາງສາສະໜາ,ງານບຸນປະເພນີ, ງານດອງ, ງານລ້ຽງສັງສັນ, ໃຫ້ສືບຕໍ່ປິດຕະຫຼາດຫຼັກ 2, ຫຼັກ 3, ຕະຫຼາດເພັດມະນີ, ຕະຫຼາດນາໂບ, ຕະຫຼາດກາງຄືນ, ໂຮງແຮມ, ບ້ານພັກ, ຮ້ານກິນດື່ມ, ຮ້ານບັນເທິງ, ສວນນໍ້າ ແລະ ອື່ນໆ.

ລາຍລະອຽດຕ່າງໆລະບຸໄວ້ຕາມການແຈ້ງການສະບັບໃໝ່ດັ່ງລຸ່ມນີ້: 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ