ວັນທີ 31 ຕຸລາ 2024 ທີ່ຜ່ານມານີ້, ກອງປະຊຸມຖະແຫຼງຂ່າວຂອງກະຊວງການຄ້າຈີນແຈ້ງໃຫ້ຮູ້ວ່າ: ງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ໄດ້ກຽມພ້ອມໂດຍພື້ນຖານແລ້ວ.
ໃນໂອກາດດັ່ງກ່າວ, ໂຄສົກກະຊວງການຄ້າຈີນແນະນຳໃຫ້ຮູ້ວ່າ: ງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ຈະຈັດຂຶ້ນລະຫວ່າງວັນທີ 5-10 ພະຈິກນີ້ຢູ່ນະຄອນຊຽງໄຮ້ຂອງຈີນ, ເວທີການວາງສະແດງປະເພດຕ່າງໆເພື່ອແນະນຳປະເທດ, ວາງສະແດງວິສາຫະກິດ, ກິດຈະກຳແລກປ່ຽນວັດທະນະທຳ ແລະ ອື່ນໆໄດ້ສ້າງຂຶ້ນຢູ່ໃນ ສະຖານທີ່ຈັດງານ, ຄາດວ່າທຸກວຽກງານໄດ້ສຳເລັດໂດຍພື້ນຖານໃນຕອນຄ່ຳວັນທີ 31 ຕຸລາແລ້ວນີ້. ປັດຈຸບັນ, ສິນຄ້າຂອງວິສາຫະກິດ 2.700 ກວ່າແຫ່ງໄດ້ເຂົ້າສູ່ຫໍວາງສະແດງ, ມີວິສາຫະກິດ 700 ກວ່າແຫ່ງກຳລັງຂົນສົ່ງສິນຄ້າມາເຂົ້າຮ່ວມການວາງສະແດງ, ຄາດວ່າຈະສາດມາດເຂົ້າສູ່ຫໍວາງສະແດງກ່ອນວັນທີ 2 ພະຈິກນີ້.
ງານວາງສະແດງຄັ້ງນີ້ໄດ້ຕັ້ງຈຸດບໍລິການກອງປະຊຸມ26 ປະເພດ 172 ຈຸດ, ໄດ້ເພີ່ມເຄື່ອງໝາຍກອງປະຊຸມຊົ່ວຄາວ 1.523 ອັນ, ຈະນຳໃຊ້ວິທີອັດສະລິຍະເພື່ອເຮັດໃຫ້ຂັ້ນຕອນລົງທະບຽນ ແລະ ພິຈາລະນາອະນຸມັດສະດວກຂຶ້ນກວ່າເກົ່າ.
ຂ່າວ: CRI-FM-93
