Vientiane Times Lao
ຈັບໂຈນລັກລົດໜ່ວຍກູ້ໄພໄດ້ຍ້ອນລົດເກີດອຸປະຕິເຫດໃນຂະນະທີ່ຫຼົບໜີ

ຈັບໂຈນລັກລົດໜ່ວຍກູ້ໄພໄດ້ຍ້ອນລົດເກີດອຸປະຕິເຫດໃນຂະນະທີ່ຫຼົບໜີ

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ 1623 ຈຸດດົງໂດກໄດ້ແຈ້ງໃຫ້ຮູ້ວ່າ: ມື້ວານນີ້ເວລາປະມານ 4:20 ຕອນເຊົ້າ ໄດ້ມີໂຈນມາລັກລົດຂອງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ 1623 ຈຸດດົງໂດກ.

ພາຍຫຼັງໄດ້ຮັບແຈ້ງເຫດລັກລົດດັ່ງກ່າວ ເຈົ້າໜ້າທີ່ກໍ່ໄດ້ປະສານຫາຈຸດກວດຕ່າງໆຕາມເສັ້ນທາງ ແລະ ເວລາ 8 ໂມງເຊົ້າຂອງມື້ວານນີ້ກໍ່ສາມາດຈັບໂຕຜູ້ກະທໍາຜິດໄດ້ຢູ່ເຂດຜາເມືອງ ຢູ່ເມືອງບໍລິຄັນ ແຂວງບໍລິຄໍາໄຊ (ທາງໄປແຂວງຊຽງຂວາງ) ຍ້ອນລົດທີ່ຖືກລັກໄປເກາະກັບ ລົດຮຸນໄດຂອງປະຊາຊົນ ແລ້ວເກີດອຸປະຕິເຫດ ໃນຂະນະທີ່ກໍາລັງຫຼົບໜີ.

ທ່ານ ທັກສິນ ຂຸນນະເສນ ຜູ້ຮັບຜິດຊອບໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ 1623 ຈຸດດົງໂດກ ໄດ້ກ່າວຕໍ່ທີມຂ່າວວຽງຈັນທາຍມື້ເຊົ້ານີ້ວ່າ: ຫຼັງຈາກທີ່ຮູ້ວ່າລົດໄດ້ເສຍກໍ່ໄດ້ປະສານງານກັບເຈົ້າໜ້າທີ່ມແຕ່ລະຈຸດເພື່ອສະກັດ ຫຼື ຕິດຕາມ ແຕ່ບໍ່ມີການໄລ່ຕິດຕາມເພາະບໍ່ຮູ້ວ່າຫຼັງຈາກລັກແລ້ວໂຈນໄດ້ຂີ່ໄປໃສ. ຕໍ່ມາເວລາ 8 ໂມງເຊົ້າໄດ້ມີລາຍງານຈາກເຈົ້າໜ້າເມືອງບໍລິຄັນ ວ່າ ສາມາດຈັບໂຕຜູ້ທີ່ລັກລົດໄດ້ແລ້ວພ້ອມລົດ ຢູ່ ເມືອງບໍລິຄັນ ແຂວງບໍ່ລິຄໍາໄຊ ສາເຫດທີ່ຈັບໄດ້ຍ້ອນວ່າລົດທີ່ຖືກລັກໄດ້ໄປເກາະເອົາລົດຮຸນໄດ ຂອງປະຊາຊົນທີ່ຂີ່ສວນທາງມາ ແຕ່ບໍ່ຈອດ ດັ່ງນັ້ນເຈົ້າຂອງລົດຮຸນໄດຈື່ງໄລຕິດຕາມໄປ, ຍ້ອນເສັ້ນທາງມີຂຸມຫຼາຍເຮັດໃຫ້ລົດກູ້ໄພທີ່ຖືກລັກເກີດອຸປະຕິເຫດປີ້ນຈຶ່ງສາມາດກັກໂຕຜູ້ກະທໍາຜິດໄດ້.

ທ່ານ ທັກສິນ ໄດ້ກ່າວຕື່ມວ່າ ໂຈນທີ່ລັກລົດຄັນດັ່ງກ່າວ ຊື່ ທ້າວ ໃຈ ເປັນປະຊາຊົນ ບ້ານຊຽງລີ ເມືອງບໍລິຄັນ ແຂວງ ບໍລິຄໍາໄຊ, ສ່ວນເຫດຈູງໃຈໃ ການລັກລົດໃນຄັ້ງນີ້ກໍາລັງຢູ່ໃນຂັ້ນຕອນການສືບສວນຂອງເຈົ້າໜ້າທີ່.

ຂ່າວ: ວຽງຈັນທາຍ 

Related Articles

Leave a Reply