ແຂວງ ຈຳປາສັກຈະສືບຕໍ່ສົ່ງເສີມການລົງທືນໃນຂະແໜງທ່ອ່ງທຽວໂດຍຈະແກ້ທຸກບັນຫາອັນເປັນສິ່ງກີດຂວາງເພື່ອສ້າງຄວາມສະດວກໃນການລົງທືນ ຮ່ວມເຖິງຫານສົ່ງເສີມແລະການພັດທະນາສະຖານທີ່ທ່ອງທຽ່ວ.
ແຫລ່ງທ່ອງທ່ຽວແດນຫລີ່ຜີ
ແຂວງຈຳປາສັກຍັງມີສະຖານທີ່ທ່ອງທ່ຽວທີ່ເປັນທ່າແຮງໃນການດືງດູດນັກທ່ອງທ່ຽວ ແລະ ເໜາະສົມແກ່ການລົງທຶນ ເພື່ອສ້າງເສດຖະກິດ. ດ້ວຍເຫດນີ້, ແຂວງ ໄດ້ຖືເອົາວຽກງານການທ່ອງທ່ຽວເປັນວຽກບູລິມະສິດທີ່ສຳຄັນຍິ່ງ ແລະ ກໍບັນຈຸເຂົ້າເປັນວາລະໃນການປະຕິບັດວຽກງານຂອງແຂວງ ແລະລະດັບຊາດຕໍ່ໄປ.
ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ ໄດ້ໃຫ້ສໍາພາດຕໍ່ນັກຂ່າວໃນວັນພະຫັດນີ້ວ່າ ແຂວງພວກເຮົາແມ່ນແຂວງທີ່ມີທ່າແຮງໃນການການທ່ອງທ່ຽວທີ່ໄດ້ເປີດໃຫ້ເອກະຊົນສຳປະທານໄປແລ້ວ ແລະ ຍັງມີຫລາຍແຫ່ງທີ່ສວຍງາມ, ໜ້າສົນໃຈ ແລະ ຍັງບໍ່ທັນໄດ້ພັດທະນາ ເນື່ອງຈາກຍັງມີສິ່ງກີດຂວາງທີ່ເປັນອຸປະສັກໃນບາງຂອດຕໍ່ກັບການລົງທືນໃສ່ໃນຂະແໜງການດັ່ງກ່າວໃນໄລຍະຜ່ານມາ.
ດອນຄອນ-ດອນເດດ
ເຖິງແນວໃດກໍຕາມ ພາຍໃຕ້ການຊີ້ນຳນຳພາຢ່າງໃກ້ຊິດຂອງຄະນຳແຂວງ, ປະຈຸບັນມີຫລາຍບັນຫາໄດ້ຮັບການແກ້ໄຂໄປແລ້ວເຊັ່ນ: ຂອດການຄຸມ້ຄອງ ແລະ ບາງລະບຽບໃນການລົງທຶນດ້ານການທ່ອງທ່ຽວມີຄວາມສະດວກ ແລະ ວ່ອງໄວໂດຍສະເພາະ ຫລຸດຜ່ອນຂັ້ນຕອນການດຳເນີນງານດ້ານເອກະສານໃຫ້ໜ້ອຍລົງ ແລະ ເຮັດໃຫ້ການບໍລິການຕ້ອງໄວຂື້ນ.
ປະຈຸບັນໄດ້ມີຕິດຕາມກວດກາຢ່າງໃກ້ສິດເພຶ່ອແກ້ໄຂໃຫ້ທັນການ ໂດຍຫັນມານຳໃຊ້ອຸປະກອນທີ່ທັນສະໄໝເຂົ້າສູ່ການຄຸ້ມຄອງ ເພຶ່ອກວດກາເກັບກຳສະຖິຕິນັກທ່ອງທຽວທີ່ມາຢຽມຊົມແລະທ່່ອງທຽ່ວ ຮ່ວມທັງການຄຸມຄອງລາຍຮັບ.ໃຫ້ມີປະສິດທິພາບສູງຂື້ນ.
ດ້ານການບໍລິການແລະສົ່ງເສີມອຳນາດການປົກຄອງແຂວງແລະຄະນະວິຊາການເຮັດວຽກທີ່ກ່ຽວຂ້ອງດ້ານການທ່ອງທ່ຽວ ໄດ້ລົງຕິດຕາມສະຖານທີ່ທ່ອງທ່ຽວທີ່ໄດ້ໃຫ້ສຳປະທານແຫລ່ງທ່ອງທ່ຽວແລ້ວ ແລະ ເປີດນຳໃຊ້ແລ້ວ ເພື່ອແນະນຳແລະປັບປຸງແຫລ່ງທ່ອງທ່ຽວຕ່າງໆ ເປັນຕົ້ນ ຕາດເຍືອງ ເມືອງປາກຊ່ອງ ແລະ ດອນເດດ-ດອນຄອນ ເມືອງໂຂງ.
ນັກທ່ອງທ່ຽວແບບພະຈົນໄພ
ຜູ້ຈັດການແຫລ່ງທ່ອງທ່ຽວແດນຫລີ່ຜີ ກ່າວວ່າ ນັກທ່ອງທ່ຽວຈຳນວນຫຼາຍເຂົາມັກອອກມານອນອາບແດດຢູ່ແຄມນໍ້າຂອງບ້ານຄອນ-ດອນເດດ ເມືອງໂຂງ ແຂວງຈໍາປາສັກ ໂດຍສະເພາະກຸ່ມນັກທ່ອງທ່ຽວຢູໂຣບ ຫລັງຈາກນັ້ນພວກເຂົາເຈົ້າຈະມີແຜນມາທຽ່ວຫລີຜີເປັນສະຖານທີ່ທ່ອງທ່ຽວທີ່ໄດ້ຮັບຄວາມນິຍົມ, ມີລັກສະນະແບບທໍາມະຊາດແທ້ໆ ທີ່ມີຄວາມສວຍຊົດງາມຂອງນໍ້າຕົກ ແລະ ມີຄວາມງຽບສະຫງົບ.
ທ່ານ ປີແອ່ Pier ຄົນຝະລັ່ງ ກ່າວວ່າ ການທ່ອງທ່ຽວ ຫລີ່ຜີ ຂ້ອຍດີໃຈກັບປະຊາຊົນໃນຂົງເຂດນີ້ທີ່ມີຊີວິດຕິດພັນກັບທຳມະຊາດທີຊວຍສົດງົດງາມ ແລະ ມີການທ່ອງທ່ຽວແບບປະຈົນໄພ.
ຂ້ອຍເຄີຍມາແລ້ວໄດ້ມາພັກເຊົາ ຢູ່ດອນຄອນ-ດອນເດດປະມານ 2-3 ມື້, ຍ້ອນຕິດໃຈທຳມະຊາດກາງດອນອັນງຽບສະຫງົບ ດັ່ງນັ້ນ ດທື່ອນີ້ຂ້ອຍຈື່ງກັບມາໃໝ່ ແລະ ກໍຍັງປະທັບໃຈຫລາຍຍິ່ງຂື້ນ. ດອນເດດຕັ້ງຢູ່ທາງເໜືອຂອງດອນຄອນ ຢູ່ທາງໃຕ້ທັງສອງດອນເຕັມໄປດ້ວຍກິ່ນອາຍຂອງບ້ານເຮືອນເກົ່າສະໄໝອານານິຄົມຝຣັ່ງ, ມີຫາດຊາຍຫຼາຍແຫ່ງ, ເຮືອນພັກບັງກະໂລໄມ້ໄຜ່ລາຄາປະຫຍັດແບບທຳມະຊາດ, ມີສະຖານທີ່ທ່ອງທ່ຽວທີ່ໜ້າສົນໃຈເຊັ່ນ: ທາງລົດໄຟເກົ່າ, ຊາກຫົວລົດໄຟ, ຂົວທີ່ສ້າງໃນສະໄໝຝຣັ່ງນ້ຳຕົກນ້ອຍໃຫຍ່ທີ່ມີເປັນຈຳນວນຫຼາຍ.
