Vientiane Times Lao
ຈີນກວດພົບພະຍາດປອດອັກເສບ ສາຍພັນໃໝ່

ຈີນກວດພົບພະຍາດປອດອັກເສບ ສາຍພັນໃໝ່

ອົງການອະນາໄມໂລກໄດ້ແຈ້ງໃຫ້ຮູ້ວ່າ: ຢູ່ສປຈີນໄດ້ກວດພົບການລະບາດຂອງພະ ຍາດອັກເສບປອດຈາກເຊື້ອຈຸລະໂລກ ສາຍພັນໃໝ່ (Novel Corona Virus-nCOV) ທີ່ສາມາດຕິດໃສ່ຄົນໄດ້ ຢູ່ເມືອງອູຫັ້ນ ແຂວງຫູເປີ່ຍ ທີ່ ສປ. ຈີນ ໃນວັນທີ 13 ມັງກອນ 202 ທີ່ຜ່ານມາ ຊຶ່ງຊ່ຽວຊານຫ້ອງວິເຄາະໄດ້ຢັ້ງຢືນວ່າ ເຂົາເຈົ້າພົບພະຍາດດັ່ງກ່າວ 41 ກໍລະນີ ໃນນັ້ນ 7 ກໍລະນີ ຮຸນແຮງ, ມີຜູ້ເສຍຊີວິດຈາກພະຍາດດັ່ງກ່າວແລ້ວ 01 ຄົນ, ຕິດຕາມເຝົ້າລະວັງກໍລະນີສໍາຜັດ 763 ກໍລະນີ ແລະ ມີທ່າອ່ຽງເພີ່ມຂຶ້ນ ແຕ່ຢູ່ລາວຍັງບໍ່ພົບພະຍາດດັ່ງກ່າວເທື່ອ.

ເພື່ອສະກັດກັ້ນພະຍາດດັ່ງກ່າວແຕ່ຫົວທີ ແລະ ບໍ່ໃຫ້ເຂົ້າມາແຜ່ລະບາດຢູ່ໃນປະ ເທດລາວ, ກະຊວງສາທາລະນະສຸກໄດ້ອອກແຈ້ງການໃນບໍ່ດົນມານີ້ ເຖິງພາກສ່ວນກ່ຽວຂ້ອງຕ່າງໆໃນຂອບເຂດທົ່ວປະເທດ ບໍ່ວ່າຈະຢູ່ດ່ານທາງບົກ, ທາງນໍ້າ ແລະ ທາງອາກາດຕ່າງໆໃຫ້ຊ່ວຍກັນເຝົ້າລະວັງໃນການສະກັດກັ້ນກວດກາພະຍາດດັ່ງກ່າວ ພ້ອມໃຫ້ອໍານວຍຄວາມສະດວກແກ່ທີມງານຈາກກະຊວງສາທາລະນະສຸກ, ພະແນກສາທາລະນະສຸກນະຄອນຫຼວງວຽງຈັນ ແລະ ຢູ່ບັນດາ ແຂວງຕ່າງໆ ໃນການເຄື່ອນໄຫວລົງຕິດຕາມກວດກາ ສະກັດກັ້ນພະຍາດດັ່ງກ່າວ, ໃຫ້ປັບປຸງວຽກງານສາທາລະນະສຸກຢູ່ບັນດາດ່ານຕ່າງໆທີ່ເຊື່ອມຕໍ່ກັບປະເທດເພື່ອນບ້ານໂດຍສະເພາະເຊື່ອມຕໍ່ກັບປະເທດຈີນ ແລະ ໃຫ້ນໍາໃຊ້ເຄື່ອງວັດແທກອຸນຫະພູມ ເພື່ອຕິດຕາມເຝົ້າລະວັງ, ລາຍງານກໍລະນີສົງໄສຢ່າງໃກ້ຊິດ ເນັ້ນໜັກແຂວງທີ່ມີຊາຍ ແດນຕິດກັບປະເທດຈີນເຊັ່ນ:  ແຂວງ ຜົ້ງສາລີ, ຫຼວງນໍ້າທາ ແລະ ອຸດົມໄຊ. ນອກ ນັ້ນຍັງໃຫ້ເອົາໃຈໃສ່ສະກັດກັ້ນພະຍາດດັ່ງກ່າວຢູ່ຕາມສະໜາມບິນສາກົນຕ່າງໆເຊັ່ນ: ສະໜາມບິນສາກົນວັດໄຕ ແລະ ສະໜາມ ບິນສາກົນຫຼວງພະບາງ ແລະ ຈຸດສ່ຽງອື່ນໆ.

ຂ່າວ : ວຽງຈັນທາຍ

ພາບ: WHO/Getty

Related Articles

Leave a Reply