ການຮ່ວມມືດ້ານຊັບພະຍາກອນນ້ຳລະຫ່ວາງລາວ-ຈີນ ໄດ້ປະກອບສ່ວນອັນສຳຄັນຂອງການຮ່ວມມື ດ້ານຊັບພະຍາກອນນ້ຳແມ່ນ້ຳລ້ານຊ້າງ-ແມ່ນ້ຳຂອງ ຊຶ່ງເຂື່ອນໄຟຟ້ານ້ຳຕົກທີ່ຈີນໄດ້ລົງທຶນກໍ່ສ້າງ ຢູ່ ສປປ ລາວ ເຊັ່ນ: ເຂື່ອນໄຟຟ້ານ້ຳງື່ມ 5, ເຂື່ອນໄຟຟ້ານ້ຳອູແບບຂັ້ນໄດເປັນຕົ້ນ ໄດ້ເຮັດໃຫ້ພາກເໜືອຂອງ ລາວໄດ້ມີໄຟຟ້າ ແລະ ນໍ້າເພື່ອ ຊຸກຍູ້ການພັດທະນາຢ່າງພຽງພໍ, ຈີນຍັງໄດ້ຊ່ວຍເຫຼືອລາວ ໃນການ ກໍ່ສ້າງສູນຂໍ້ມູນ ຊັບພະຍາກອນນໍ້າແຫ່ງຊາດລາວ, ສະຖານີອຸທົກກະສາດອັດຕະໂນມັດທີ່ທັນສະໄໝ 50 ກວ່າແຫ່ງໄດ້ຮັບການສ້າງສຳເລັດ ແລະ ເລີ່ມປະຕິບັດຢ່າງຕໍ່ເນື່ອງ, ການສຶກສາຄວາມປອດໄພຂອງເຂື່ອນ, ເປີດໂຄງການສາທິດນໍ້າດື່ມປອດໄພຕາມລຳດັບ.
ນອກນັ້ນຈີນຍັງໄດ້ຊ່ວຍປະເທດລາວໃນການດຳເນີນການວາງແຜນແມ່ບົດນຳໃຊ້ຊັບພະຍາກອນນ້ຳແບບສັງລວມຢູ່ຕາມແມ່ນ້ຳສາຍສຳຄັນ, ຈັດຝຶກອົບຮົມນັກວິຊາການ ແລະ ຜູ້ບໍລິຫານຄຸ້ມຄອງນໍ້າເປັນຈໍາ ນວນຫຼາຍ ຊຶ່ງເປັນການສະໜັບສະໜູນດ້ານວັດຖຸອຸປະກອນ ແລະ ສະຕິປັນຍາຢ່າງແຂງແຮງໃຫ້ແກ່ ລາວໃນ ການເພີ່ມທະວີການບໍລິຫານຄຸ້ມຄອງຊັບພະຍາກອນນໍ້າຢ່າງມີວິທະຍາສາດ ແລະ ອື່ນໆ.
ຂໍ້ມູນ-ພາບ: ສະຖານທູດຈີນ
