Vientiane Times Lao
ຊົນລະປະທານ ນ້ຳຂວາງ ແຂວງຫົວພັນຈະສຳເລັດໃນປີ 2022

ຊົນລະປະທານ ນ້ຳຂວາງ ແຂວງຫົວພັນຈະສຳເລັດໃນປີ 2022

ໂຄງການກໍ່ສ້າງຊົນລະປະທານ ນ້ຳຂວາງ ເຂດບ້ານເມືອງນາ,​ ເມືອງກັວນ ແຂວງຫົວພັນ ໄດ້ເລີ່ມລົງມືກໍ່ສ້າງມາແຕ່ປີ 2016, ມາຮອດປະຈຸບັນ ມີຄວາມຄືບໜ້າແລ້ວ 31% ຂອງໜ້າວຽກທັງໝົດ, ຄາດວ່າຈະສໍາເລັດ ແລະ ເປີດນໍາໃຊ້ໃນປີ 2022 ຊຶ່ງຈະສາມາດເອົານໍ້າເຂົ້າຫົດ ເນື້ອທີ່ ນາໄດ້ 256 ເຮັກຕາ.

ໂຄງການດັ່ງກ່າວ ປະກອບມີການກໍ່ສ້າງລະບົບຫົວງານ ເປັນຝາຍເບຕົງເສີມເຫຼັກ ມີລວງກວ້າງ 28 ແມັດ, ສູງ 4 ແມັດເຄິ່ງ ແລະ ມີລວງຍາວຕາມແລວນໍ້າ 17 ແມັດ, ຊຶ່ງທະລຸແລວຄອງເໝືອງມີຄວາມຍາວທັງໝົດ 10.500 ແມັດ, ໂດຍແມ່ນບໍລິສັດ ດາວວຽງ ກໍ່ສ້າງ ແລະ ສ້ອມແປງຊົນລະປະທານ ຈຳກັດ ເປັນຜູ້ຮັບເໝົາກໍ່ສ້າງ, ມູນຄ່າການກໍ່ສ້າງ ທັງໝົດ 29 ຕື້ກວ່າກີບ,​ ຊຶ່ງເປັນທືນຂອງລັດ ຖະບານລາວ 100% ເພື່ອພັດທະນາດ້ານພື້ນຖານໂຄງລ່າງໃນການຜະລິດກະສິກຳ.

ເມື່ອບໍ່ດົນມາຜ່ານມານີ້, ພະແນກກະສິກຳ ແລະ ປ່າໄມ້ແຂວງ ສົມທົບກັບພາກສ່ວນທີ່ກ່ຽວຂ້ອງໄດ້ລົງກວດກາຄວາມຄືບໜ້າ ໂຄງການກໍ່ສ້າງຊົນລະປະທານດັ່ງກ່າວ, ໂດຍມີ ຮອງຫົວໜ້າ ພະແນກກະສິກຳ ແລະ ປ່າໄມ້ແຂວງ, ທ່ານ ກອນໄທ ແກ້ວນະຄອນ, ມີເຈົ້າເມືອງ ເມືອງກວັນ, ທ່ານ ດາວເພັດ ພົມສຸວັນ, ພ້ອມດ້ວຍບໍລິສັດຜູ້ຮັບເໝົາກໍ່ສ້າງ ແລະ ພາກສ່ວນທີ່ກ່ຽວຂ້ອງ.

ຂ່າວ: ວຽງຈັນທາຍ

ຂໍ້ມູນ: ພະແນກກະສິກຳ ແລະ ປ່າໄມ້ແຂວງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ