Vientiane Times Lao
ຊຽງຂວາງຈັດພິທີສວມເກດຄຳ 4 ກິໂລໃສ່ພະພຸດທະຮູບທອງເຫຼືອງ ທີ່ໃຫຍ່ທີ່ສຸດໃນແຂວງ

ຊຽງຂວາງຈັດພິທີສວມເກດຄຳ 4 ກິໂລໃສ່ພະພຸດທະຮູບທອງເຫຼືອງ ທີ່ໃຫຍ່ທີ່ສຸດໃນແຂວງ

ອົງການປົກຄອງແຂວງຊຽງຂວາງ ໃນທ້າຍອາທິດທີ່ຜ່ານມາໄດ້ມີພິທີ ສວມເກດໃສ່ພະເຈົ້າອົງຫຼວງປາງປະທານພອນ ທີ່ເປັນຄຳແທ້ນ້ຳໜັກ 4 ກິໂລ ໃສ່ເທິງສຽນພະພຸດທະຮູບ ທີ່ກຳລັງກໍ່ສ້າງ, ເຊິ່ງມີຄວາມສູງທັງ ໝົດ 38 ແມັດ, ໜັກ 108 ໂຕນ, ໜ້າຕັກຂອງກວ້າງ 16 ແມັດ ແລະ ເກດສູງ 4,5 ແມັດ. ພະເຈົ້າອົງຫຼວງປະທານພອນນີ້ເປັນອົງພະທີ່ມີຄວາມສະຫງ່າງາມຕາມແບບສິລະປະລາວລ້ານຊ້າງ, ເຊິ່ງໄດ້ປະດິດ ສະຖານໄວ້ທີ່ວັດໄຫຫີນມີໄຊຍະຣາມ ບ້ານທົ່ງມີໄຊ, ເມືອງແປກ ແຂວງຊຽງ ຂວາງ.

ທ່ານ ສີວິໄລ ອຸດົມສຸກ ຮອງຫົວໜ້າ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ສຳພາດກັບ ນັກຂ່າວໜັງສືພິມວຽງຈັນທາຍໃນ ຕອນເຊົ້າຂອງມື້ວັນທີ 13 ມັງກອນ 2020 ນີ້ວ່າ: ພິທີສວມເກດພະພຸດ ທະຮູບດັ່ງກ່າວແມ່ນສະແດງໃຫ້ຮູ້ວ່າ ການກໍ່ສ້າງພະພຸດທະຮູບອົງນີ້ ແມ່ນ ໄດ້ສ້າງສຳເລັດແລ້ວ 90 ເປີເຊັນ. ມູນຄ່າການກໍ່ສ້າງແມ່ນສູງເຖິງ 16 ຕື້ກວ່າກີບ, ເຊິ່ງຈຳນວນເງິນດັ່ງກ່າວ ແມ່ນ ໄດ້ຮັບມາຈາກປະຊາຊົນຜູ້ທີ່ ມີນ້ຳໃຈໃສສັດທາຢູ່ທັງພາຍໃນ ແລະ ຕ່າງປະເທດ.

ຖ້າການກໍ່ສ້າງພະພຸດທະຮູບອົງດັ່ງ ກ່າວສຳເລັດແມ່ນຈະເປັນພະພຸດ ທະຮູບທອງເຫຼືອງທີ່ເປັນອົງໃຫຍ່ ທີ່ສຸດຢູ່ໃນແຂວງຊຽງຂວາງ, ມີຄວາມ ສະຫງ່າງາມປະດິດສະຖານຢູ່ເທິງ ຈອມພູ, ເຊິ່ງສາມາດແນມເຫັນໄດ້ ຈາກຫຼາຍໆບ່ອນ.

ຈຸດປະສົງຂອງໂຄງການກໍ່ສ້າງພະພຸດທະຮູບດັ່ງກ່າວແມ່ນເປັນຄວາມພະຍາຍາມຂອງແຂວງຊຽງຂວາງເພື່ອເປັນ ພຸດສະຖານແລະສູນລວມຈິດໃຈຂອງຊາວພຸດໃນພູມມິພາກ, ເປັນການ ອຸທິບຸນກຸສົນແດ່ດວງວິນຍານເຫຼົ່າທະຫານກ້າ ແລະ ເພື່ອເປັນສະຖານທີ່ສົ່ງ ເສີມການຮຽນຮູ້ພຸດທະສິລະປະທາງ ດ້ານອະລິຍະທໍາອັນລໍ້າຄ່າຂອງລາວ ລ້ານຊ້າງ ແລະ ເພື່ອດຶງດູດຄວາມ ສົນໃຈຂອງນັກທ່ອງທ່ຽວທີ່ໄດ້ເຂົ້າມາ ທ່ຽວຊົມແຂວງຊຽງ ຂວາງ. ໂຄງການດັ່ງກ່າວນີ້ແມ່ນໄດ້ເລີ່ມການກໍ່ສ້າງມາແຕ່ເດືອນທັນວາ ປີ 2015 ຈົນມາເຖິງປະຈຸບັນສຳເລັດແລ້ວ 90 ເປີເຊັນ.

ພະພຸດທະຮູບອົງນີ້ປະດິດສະຖານຢູ່ ເທິງຈອມພູຫ່າງຈາກທົ່ງໄຫຫີນປະ ມານ 1 ກິໂລ ແມັດ. ເຈົ້າໂອວາດວັດກຳລັງບູລະນະຫໍແຈກ, ຫໍສິມ ແລະ ອື່ນໆເພື່ອໃຫ້ມີຄວາມສະ ດວກແກ່ຜູ້ທີ່ມາຢ້ຽມຢາມໃນອະນາ ຄົດ.

ຂ່າວ: ວຽງຈັນທາຍ

ພາບ: ກິ ໄຊຍະວົງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ