Vientiane Times Lao
ຍັງບໍ່ສາມາດຈັບກຸມຄົນຈີນທີ່ທໍາອະນາຈານສາວລາວສອງຄົນ, ສ່ວນຜູ້ຮ່ວມຂະບວນການທີ່ເປັນຍິງລາວສາມາດຈັບໄດ້ແລ້ວ

ຍັງບໍ່ສາມາດຈັບກຸມຄົນຈີນທີ່ທໍາອະນາຈານສາວລາວສອງຄົນ, ສ່ວນຜູ້ຮ່ວມຂະບວນການທີ່ເປັນຍິງລາວສາມາດຈັບໄດ້ແລ້ວ

ຈາກກໍລະນີທີ່ມີການທໍາອະນາຈານສາວລາວສອງຄົນຢູ່ ໃນລົດ ໂດຍຄົນຈີນ ເພດຊາຍ ແລະ ໄດ້ມີການປ່ອຍພາບ ແລະ ວິດີໂອກ່ຽວກັບການທໍາອະນາຈານດັ່ງກ່າວ ອອກຕາມສື່ສັງຄົມອອນລາຍ ໃນຕົ້ນເດືອນທີ່ຕຸລາທີ່ຜ່ານມາ ແລະ ກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດ ກະຊວງປ້ອງກັນຄວາມສະຫງົບໄດ້ອອກແຈ້ງການ ຈັບ ຊາຍຄົນຈີນ ແລະ ຍິງລາວທີ່ຮ່ວມຂະບວນ ການໃນວັນທີ 11 ຕຸລາທີ່ຜ່ານມາ ນັ້ນ ຮອດປັດຈຸບັນສາມາດຈັບກຸມ ນາງດວງຕາ ເບີກໄຊຍະພູມ ອາຍຸ 25 ປີ, ສັນຊາດລາວ ຢູ່ບ້ານ ດອນສາງໄຜ່ ເມືອງປາກງື່ມ ນະຄອນຫຼວງວຽງຈັນ ໄດ້ແລ້ວເມື່ອບໍ່ດົນມານີ້, ສ່ວນຄົນຈີນທ້າວ Run An Xiao  Baiyun Distrit ເມືອງກວາງໂຈ ມົນທົນກວາງຕຸ້ງ ສປ ຈີນ ຍັງເອົາຕົວຫຼົບໜີຈາກເຈົ້າໜ້າທີ່ຕໍາຫຼວດ.

ການຈັບກຸມນາງດວງຕາ ເບີກໄຊຍະພູມນີ້ ສືບເນື່ອງມາຈາກການສືບສວນ-ສອບສວນສາວລາວ ສອງຄົນທີ່ຖືກທໍາອະນາຈານດັ່ງກ່າວໃຫ້ການຊັກທອດ ວ່າ ນາງດວງຕາ ເບີກໄຊຍະພູມ ເປັນຜູ້ຕິດ ຕໍ່ພວກກ່ຽວທັງສອງຄົນໃຫ້ຄົນຈີນດັ່ງກ່າວ ໂດຍລາວໄດ້ຈັດຊອກເສື້ອຊາວໜຸ່ມ, ສິ້ນໄໝ ແລະ ແຕ່ງໜ້າໃຫ້ກ່ອນຈະມີການທໍາອະນາຈານ.

ຂໍ້ມູນ-ພາບ: ກົມຕໍາຫຼວດ 312

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ