Visit BigblueAgency
ຍີ່ປຸ່ນມອບອຸປະກອນການແພດຮັບໃຊ້ວຽກງານຕ້ານໂຄວິດ-19 ໃຫ້ລາວ

ຍີ່ປຸ່ນມອບອຸປະກອນການແພດຮັບໃຊ້ວຽກງານຕ້ານໂຄວິດ-19 ໃຫ້ລາວ

 ລັດຖະບານຍີ່ປຸ່ນໄດ້ປະກາດເມື່ອມໍ່ໆມານີ້ໃນການໃຫ້ການຊ່ວຍເຫຼືອແບບສຸກເສີນດ້ານອຸປະກອນການແພດໃຫ້ແກ່ ສປປລ ລາວ ຊຶ່ງປະກອບມີ ເຄື່ອງຜະລິດອົກຊີເຈນ 100 ເຄື່ອງ, ເຄື່ອງດູດຂີ້ສະເຫຼດ 100 ເຄື່ອງ ແລະ ເຄື່ອງຕິດຕາມອາການຊີວິດ 100 ເຄື່ອງ  ເພື່ອຕໍ່ສູ້ກັບການລະບາດຂອງພະຍາດໂຄວິດ-19 ຢູ່ລາວ, ເຄື່ອງຈໍານວນດັ່ງກ່າວຄິດເປັນມູນຄ່າປະມານ 710.000 ໂດລາ.

ມື້ນີ້, ເຄື່ອງຕິດຕາມອາການຊີວິດຈໍານວນ 10 ເຄື່ອງ ກໍ່ຈະມາຮອດ ນະຄອນຫຼວງວຽງຈັນແລ້ວ, ເຊິ່ງບັນດາອຸປະກອນການແພດດັ່ງກ່າວຈະຖືກນໍາໃຊ້ກັບຄົນເຈັບທີ່ຕິດເຊື້ອພະຍາດໂຄວິດ-19 ໂດຍພາຍໃຕ້ການຮ່ວມມືຈາກ UNOPS. ສ່ວນອຸປະກອນຕ່າງໆ ແມ່ນຄາດວ່າຈະ ມາຮອດປະເທດລາວໃນທ້າຍເດືອນຕຸລານີ້.

ນອກຈາກນີ້, ໃນເດືອນສິງຫາທີ່ຜ່ານມາລັດຖະບານຍີ່ປຸ່ນຍັງໄດ້ມອບວັກຊິນ ແອັສຕຣາ ເຊເນກາ(AstraZeneca) ທີ່ຜະລິດໃນປະເທດຍີ່ປຸ່ນໃຫ້ແກ່ປະເທດລາວເປັນຈໍານວນປະມານ 600.000 ແສນໂດສນໍາອີກ.

Related Articles

Leave a Reply