Vientiane Times Lao
ຍີ່ປຸ່ນສະໜັບສະໜຸນໂຄງການກໍ່ສ້າງໂຮງຮຽນມັດທະຍົມຕອນຕົ້ນທີ່ແຂວງວຽງຈັນ

ຍີ່ປຸ່ນສະໜັບສະໜຸນໂຄງການກໍ່ສ້າງໂຮງຮຽນມັດທະຍົມຕອນຕົ້ນທີ່ແຂວງວຽງຈັນ

ລັດຖະບານຍີ່ປຸ່ນໄດ້ສະໜັບສະໜູນໂຄງການກໍ່ສ້າງໂຮງຮຽນມັດທະຍົມຕອນຕົ້ນແສນສະອາດເມືອງໂພນໂຮງ ແຂວງວຽງຈັນ ເຊິ່ງມີມູນຄ່າປະມານ 92.752 ໂດລາສະຫະລັດ ເພື່ອການຂະຫຍາຍ ແລະ ກໍ່ສ້າງອາຄານຮຽນຫຼັງໃໝ່ພ້ອມອຸປະກອນການສຶກສາຄົບຊຸດ. ເມື່ອກ່ອນ, ອາຄານຮຽນຫຼັງເກົ່າແມ່ນມີຄວາມ ຊຸດໂຊມ ແລະ ຈໍານວນນັກຮຽນຕໍ່ 1 ຫ້ອງຮຽນກໍ່ມີຄວາມໜາແໜ້ນ.
ການຊ່ວຍເຫຼືອຂອງລັດຖະບານຍີ່ປຸ່ນດັ່ງກ່າວນີ້ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດໃນຂັ້ນຮາກຖານ (GGP).
ພິທີມອບ-ຮັບໄດ້ ໂຮງຮຽນດັ່ງກ່າວໄດ້ຈັດຂຶ້ນເມື່ອວັນທີ 16 ຕຸລາທີ່ຜ່ານມາຢູ່ທີ່ ໂຮງຮຽນມັດທະຍົມຕອນ ຕົ້ນແສນສະອາດ  ໂດຍເຂົ້າຮ່ວມຂອງຮອງເຈົ້າເມືອງໂພນໂຮງ ທ່ານ ບຸນມີ ອິນທະວັນ ແລະ  ຕາງໜ້າສະຖານທູດຍີ່ປຸ່ນປະຈໍາ ສປປ ລາວ ທ່ານ ຮິໂລເຊະ ຮີຊາຢະ ແລະ ພາກສ່ວນກ່ຽວຂ້ອງເຂົ້າຮ່ວມ.ທ່ານ ຮິໂລະເຊະ ໄດ້ກ່າວໃນພິທີດັ່ງກ່າວວ່າ: “ຂ້າພະເຈົ້າຮູ້ສຶກດີໃຈເປັນຢ່າງຍິ່ງທີ່ໄດ້ມີໂອກາດມາ ເຂົ້າຮ່ວມ ເປັນສັກຂີພະຍານໃນມື້ສໍາເລັດໂຄງການໃນວາລະຄົບຮອບ 65 ປີ ແຫ່ງການສ້າງຕັ້ງສາຍພົວພັນທາງການທູດ ຍີ່ປຸ່ນ-ລາວ. ລັດຖະບານຍີ່ປຸ່ນຍັງຈະສືບຕໍ່ສະໜັບສະໜຸນຄວາມພະຍາຍາມຂອງລັດຖະບານລາວໃນການປັບປຸງຂະແໜງການສຶກສາຢູ່ຂົງເຂດຫ່າງໄກ ຕື່ມອີກ.

ຂ່າວ-ພາບ: ປອງ

 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ