ການເກີດອຸບັດເຫດຕາມທ້ອງຖະໜົນ ຍັງມີທ່າອ່ຽງເພີ່ມຂຶ້ນໃນຂອບເຂດທົ່ວປະເທດ, ສ່ວນໃຫຍ່ຍ້ອນຜູ້ຂັບຂີ່ດື່ມສິ່ງມຶນເມົາແລ້ວຂັບ, ຂັບຂີ່ໄວເກີນກໍານົດ, ແຊງບໍ່ຮັບປະກັນ ແລະ ອື່ນໆ ຊຶ່ງເປັນບັນຫາຫຼັກເຮັດໃຫ້ເກີດອຸບັດເຫດ ແລະ ມີຜູ້ເສຍຊີວິດເພີ່ມຂຶ້ນໃນແຕ່ລະເດືອນ.
ອີງຕາມການລາຍງານສະພາບການເກີດອຸບັດເຫດທົ່ວປະເທດປະຈຳເດືອນກຸມພາ 2021 ຂອງກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ ຊາບວ່າ: ສໍາລັບ ສາເຫດທີ່ພາໃຫ້ເກີດອຸບັດເຫດ ສ່ວນໃຫຍ່ເກີດຈາກດື່ມສິ່ງມຶນເມົາມີເຖິງ 265 ຄັ້ງ, ໃຊ້ຄວາມໄວເກີນຂອບເຂດ 100 ຄັ້ງ, ບໍ່ປ່ອຍສິດ 91 ຄັ້ງ, ປ່ຽນທິດທາງ 67 ຄັ້ງ ແລະ ອື່ນໆ.
ໃນນັ້ນພາຫະນະທີ່ຮ່ວມກໍ່ເຫດເກີດອຸບັດເຫດຫຼາຍກວ່າໝູ່ ແມ່ນລົດຈັກຕໍາລົດຈັກ 122 ຄັ້ງ, ຮອງລົງມາ ລົດຈັກຕໍາລົດຍົນ 210ຄັ້ງ, ລົດຍົນຕໍາລົດຍົນ 109 ຄັ້ງ, ລົດຈັກຕໍາລົດບັນທຸກ 16 ຄັ້ງ ແລະ ອື່ນໆ, ເຮັດໃຫ້ມີອຸບັດເຫດເກີດຂຶ້ນທັງໝົດ 683 ຄັ້ງ ແລະ ມີຜູ້ເສຍຊີວິດເຖິງ 103 ຄົນໃນທົ່ວປະເທດ ຊຶ່ງອຸບັດເຫດແຕ່ລະຄັ້ງ ເຮັດໃຫ້ມີຄົນໄດ້ຮັບບາດເຈັບທັງໝົດ 1.059 ຄົນ ແລະ ພາຫະນະເປ່ເພທັງໝົດ 1.223 ຄັນ ໃນເດືອນກຸມພາຜ່ານມານີ້.
ຂ່າວ: ວຽງຈັນທາຍ
ຮູບ: ໜ່ວຍກູ້ໄພ
