Vientiane Times Lao
ຕິດເຊື້ອພະຍາດໂຄວິດ-19 ເພີ່ມອີກ 2 ຄົນໂດຍຕິດຈາກຄົນໄທທີ່ລັກຂ້າມມາ ແລະ ເປັນແມ່ບ້ານຢູ່ປະເທດໄທ

ຕິດເຊື້ອພະຍາດໂຄວິດ-19 ເພີ່ມອີກ 2 ຄົນໂດຍຕິດຈາກຄົນໄທທີ່ລັກຂ້າມມາ ແລະ ເປັນແມ່ບ້ານຢູ່ປະເທດໄທ

ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 20 ເມສາ ນີ້ ຕາງໜ້າໂດຍທ່ານ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ໃຫ້ຮູ້ວ່າ: ໄດ້ກວດພົບຜູ້ຕິດເຊື້ອພະຍາດໂຄວິດ-19 ເພີ່ມອີກ 2 ຄົນ (ຜູ້ທີ 59 ແລະ 60) ເປັນເພດຍິງ ສັນຊາດລາວທັງສອງຄົນ, ຜູ້ທີ 59 ທີ່ຕິດເຊື້ອ ອາຊີບນັກສຶກສາ ຢູ່ ມະຫາວິທະຍາໄລແຫ່ງໜຶ່ງ ຢູ່ປະເທດລາວ ແລະ ຜູ້ທີ 60 ອາຊີບແມ່ບ້ານຢູ່ນະຄອນຫຼວງບາງກອກ ປະເທດໄທ.

ທ່ານ ດຣ. ພອນປະດິດ ໃຫ້ຮູ້ຕື່ມວ່າ:  ນັກສຶກສາທີ່ຕິດເຊື້ອພະຍາດດັ່ງກ່າວ ອາຍຸ 25 ປີ ປັດຈຸບັນຢູ່ບ້ານໂພນສະຫວ່າງ ເມືອງຈັນທະບູລີ ນະຄອນຫຼວງວຽງຈັນ ກວດພົບເຊື້ອພະຍາດໂຄວິດ-19 ເມື່ອວັນທີ 19 ເມສາ 2021 ທີ່ຜ່ານມາ ໂດຍຕິດເຊື້ອພະຍາດດັ່ງກ່າວຈາກຊາຍຄົນໄທທີ່ລັກລອບຂ້າມນໍ້າຂອງມາແຕ່ແຂວງສະຫວັນນະເຂດ ແລະ ຂຶ້ນມານະຄອນຫຼວງວຽງຈັນໂດຍພັກເຊົາຢູ່ໂຮງແຮມເຈືອງ 2 ຢູ່ນະຄອນຫຼວງວຽງຈັນ ຍ້ອນວ່າຜູ້ກ່ຽວສໍາຜັດໃກ້ຊິດກັບຊາຍຄົນໄທທີ່ຂ້າມມາ.  ສະເພາະຜູ້ຕິດເຊື້ອທີ່ເປັນແມ່ບ້ານ ອາຍຸ 28 ປີ ປັດຈຸບັນຢູ່ ບ້ານນາຊອນ ເມືອງນາຊາຍທອງ ນະຄອນຫຼວງວຽງຈັນ ຜູ້ກ່ຽວແມ່ນລັກຂ້າມມາແບບຜິດກົດໜາຍໂດຍຂີ່ເຮືອນ້ອຍມາຮອດຝັ່ງລາວ ຢູ່ເຂດເກົ້າລ້ຽວ, ເມືອງສີໂຄດຕະບອງ ເມື່ອວັນທີ 19 ເມສາ ແລະ ກວດພົບເຊື້ອເມື່ອວັນທີ 20 ເມສາ 2021 ນີ້.

ປັດຈຸບັນນີ້, ທັງສອງຄົນແມ່ນໄດ້ນອນປິ່ນປົວພະຍາດດັ່ງກ່າວຢູ່ໂຮງໝໍມິດຕະພາບແລ້ວ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ