Vientiane Times Lao
ຖ້າຍຸງລາຍບໍ່ກັດກໍ່ຈະບໍ່ເປັນໄຂ້ຍຸງລາຍ

ຖ້າຍຸງລາຍບໍ່ກັດກໍ່ຈະບໍ່ເປັນໄຂ້ຍຸງລາຍ

ກົມຄວບຄຸມພະຍາດຕິດຕໍ່ ​ກະຊວງສາທາລະນະສຸກ ຮຽກຮ້ອງໃຫ້ພໍ່ແມ່ປະຊາຊົນ, ຊຸມຊົນ ແລະ ອຳນາດການປົກຄອງ ຮ່ວມແຮງຮ່ວມໃຈກັນ ໃນການປ້ອງກັນບໍ່ໃຫ້ຍຸງກັດ ໂດຍການນອນກາງມຸ້ງ ແລະ ທຳລາຍແຫຼ່ງເພາະພັນຂອງຍຸງເປັນປະຈຳທຸກໆອາທິດ ໃຫ້ຖືວ່າ ແມ່ນໜ້າທີ່ຮັບຜິດຊອບຂອງໝົດທຸກຄົນ.

ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ​ກະຊວງສາທາລະນະສຸກ ໄດ້ລາຍງານສະພາບໄຂ້ຍຸງລາຍ ເມື່ອວັນທີ 11 ສິງຫາທີ່ຜ່ານມາວ່າ: ນັບແຕ່ວັນທີ 01 ມັງກອນ 2020-10 ສິງຫາ 2020 ມີຜູ້ຕິດເຊື້ອກໍລະນີສະສົມທັງໝົດ 4.729 ຄົນ (ມີລາຍງານກໍລະນີໃນ 18 ແຂວງ, ແຂວງທີ່ມີການລາຍງານຫຼາຍກວ່າໝູ່ແມ່ນ ນະຄອນຫຼວງວຽງຈັນ ເຊິ່ງມີເຖິງ 1.090 ຄົນ, ຖັດລົງມາແມ່ນແຂວງ ວຽງຈັນ 543 ກໍລະນີ ແລະ ບໍລິຄໍາໄຊ 550 ກໍລະນີ). ປັດຈຸບັນນີ້, ໃນ 01 ວັນຈະມີຜູ້ຕິດເຊື້ອບໍ່ຕໍາກວ່າ 50 ກໍລະນີ ໃນຂອບເຂດທົ່ວປະເທດ.

ສະເພາະຈຳນວນຜູ້ເສຍຊີວິດຍ້ອນພະຍາດໄຂ້ຍຸງລາຍ ຮອດປັດຈຸບັນ ມີທັງໝົດ 09 ຄົນ (ນະຄອນຫຼວງ 04 ຄົນ, ບໍລິຄຳໄຊ 02 ຄົນ, ຄຳມ່ວນ 01 ຄົນ, ໄຊຍະບູລີ 01 ຄົນ ແລະ ຊຽງຂວາງ 01 ຄົນ).

ໃນປີ 2019 ທີ່ຜ່ານມາ ມີຜູ້ເສຍຊີວິດຍ້ອນໄຂ້ຍຸງລາຍເຖິງ 76 ຄົນ.

ຂ່າວ: ວຽງຈັນທາຍ

ພາບປະກອບ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ