Vientiane Times Lao
ທຳລາຍສວນກັນຊາ ທີ່ລັກລອບປູກ ໃນເນື້ອທີ່ 9,9 ເຮັກຕາ ຢູ່ແຂວງບໍລິຄໍາໄຊ

ທຳລາຍສວນກັນຊາ ທີ່ລັກລອບປູກ ໃນເນື້ອທີ່ 9,9 ເຮັກຕາ ຢູ່ແຂວງບໍລິຄໍາໄຊ

ເຈົ້າໜ້າທີ່ ປກຊ-ປກສ ເມືອງ ວຽງທອງ ແຂວງບໍລິຄໍາໄຊ ສົມທົບກັບພາກ ສ່ວນກ່ຽວຂ້ອງ ໄດ້ລົງທໍາລາຍສວນປູກກັນຊາ ຂອງປະຊາຊົນທີ່ລັກລອບປູກ ຈໍານວນ 17 ສວນ ມີ 10.180 ຂຸມ ຊຶ່ງປະເມີນນໍ້າໜັກປະມານ 54.195 ກິໂລກຣາມ ໃນເນື້ອທີີ່ 9,9 ເຮັກຕາ ຢູ່ເຂດບ້ານອຸດົມໄຊ ເມືອງວຽງທອງ ແຂວງບໍລິຄໍາໄຊ ໃນວັນທີ​ 23​ ພະຈິກ​ 2021​ ຜ່ານມານີ້.

ການທຳລາຍສວນກັນຊາ​ ດ້ວຍການຕັດ ແລະ​ ຈູດຖີ້ມໃນຄັ້ງນີ້, ເຈົ້າໜ້າທີ່ ຍັງໄດ້ກັກຕົວເຈົ້າຂອງສວນກັນຊາໄດ້ 1 ຄົນ, ສ່ວນອີກ 16 ສວນກັນຊາ ແມ່ນຍັງບໍ່ທັນຮູ້ເຈົ້າຂອງ, ຊຶ່ງເຈົ້າໜ້າທີ່ຈະໄດ້ສືບຕໍ່ຕິດຕາມກວດກາຄືນ ເພື່ອນໍາມາດໍາເນີນຄະດີຕາມລະບຽບກົດໝາຍ,  ພ້ອມກັນນັ້ນ ເຈົ້າໜ້າທີ່​ ກໍຍັງໄດ້ກ່າວເຕືອນຜູ້ທີ່ເປັນເຈົ້າຂອງສວນກັນຊາ ແລະ ອະທິບາຍເຖິງລະບຽບກົດໝາຍກ່ຽວກັບຂໍ້ຫ້າມປູກກັນຊາ ເພື່ອເປັນການສະກັດກັ້ນການປູກກັນຊາບໍ່ໃຫ້ແຜ່ຂະຫຍາຍໄປຕື່ມ ທັງເປັນການເຕືອນສະຕິປະຊາຊົນບໍ່ໃຫ້ເຮັດໃນສິ່ງທີ່ຂັດກັບລະບຽບກົດໝາຍ.​

ຂໍ້ມູນ: ປກສ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ