Vientiane Times Lao
ທີມເຕະບານຊາຍແຂວງຈໍາປາສັກ ແລະ ທີມເຕະບານຍິງນະຄອນຫຼວງໄດ້ຄອງຊະນະເລີດ ເຕະບານສະຫຼອງວັນຊາດທີ 2 ທັນວາ ຄົບຮອບ 45 ປີ ຊິງຂັນປະທານປະເທດ

ທີມເຕະບານຊາຍແຂວງຈໍາປາສັກ ແລະ ທີມເຕະບານຍິງນະຄອນຫຼວງໄດ້ຄອງຊະນະເລີດ ເຕະບານສະຫຼອງວັນຊາດທີ 2 ທັນວາ ຄົບຮອບ 45 ປີ ຊິງຂັນປະທານປະເທດ

ຈົບໄປແລ້ວສໍາລັບການແຂ່ງຂັນເຕະບານຍິງ-ຊາຍ ຊິງຂັນປະທານປະເທດເພື່ອສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ (2 ທັນວາ 1975 – 2 ທັນວາ 2020), ນັດຊິງຊະນະເລີດຍິງ-ຊາຍໄດ້ຈັດຂຶ້ນມື້ວານນີ້ ທີ່ສະໜາມກິລາ ຫຼັກ 16 ຊຶ່ງມີກອງເຊຍແຕ່ລະທີມ ຫຼື ຜູ້ເຂົ້າຊົມຫຼາຍກວ່າ 16.000 ຄົນ. ຜົນການແຂ່ງຂັນປະກົດວ່າ ທີມເຕະບານຍິງນະຄອນຫຼວງສາມາດເອົາຊະນະທີມຕະບານຍິງແຂວງຊຽງຂວາງໄປໄດ້ຈາກການດວນຈຸດໂທດ 4 : 2 ພາຍຫຼັງທີ 90 ນາທີສະເໝີກັນ 1:1 ແລະ ມີການ ຕໍ່ເວລາໄປອີກ 20 ນາທີ ຊຶ່ງທີມເຕະບານຍິງແຂວງຊຽງຂວາງໄດ້ຍິງນໍາອອກໄປກ່ອນອີກ 1 ລູກ ເປັນ 2: 1 ແຕ່ວ່າໃກ້ຈະໝົດເວລາ ທີມເຕະບານຍິງນະຄອນຫຼວງໄດ້ໄລ່ຕີສະເໝີຈາກການໄໝໂດຍຍິງຈຸດໂທດເຮັດໃຫ້ສະເໝີກັນ 2:2 ກ່ອນທີ່ຈະມີການຍິງຈຸດໂທດ ແລະ ທີມເຕະບານຍິງນະຄອນຫຼວງເອົາຊະນະໄປໄດ້ 4:2.
ສ່ວນທີມຊາຍຜົນປະກົດວ່າທີມຈໍາປາສັກເອົາຊະນະທີມເຕະບານຫຼວງພະບາງຈາກການດວນຈຸດໂທດເຊັ່ນກັນ 3 : 2 ພາຍຫຼັງທີ່ຈົບເວລາ 90 ນາທີ ສະເໝີກັນໄປທີ່ 1 : 1 ແລະ ຕໍ່ເວລາອອກໄປອີກ 20 ນາທີຍັງສະເໝີກັນທີ່ 1:1.
ຈາກການຄອງຊະນະເລີດໃນຄັ້ງນີ້ເຮັດໃຫ້ທີມເຕະບານຊາຍແຂວງຈໍາປາສັກ ແລະ ທີມເຕະບານຍິງນະຄອນຫລວງໄດ້ຮັບຂັນປະທານປະເທດ ພ້ອມເງິນສົດ 100 ລ້ານກີບ ແຕ່ລະທີມ.

 ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ