Vientiane Times Lao
ນະຄອນຫຼວງວຽງຈັນຕັ້ງ 13 ຈຸດ ກວດການສັນຈອນເຂົ້າ-ອອກ

ນະຄອນຫຼວງວຽງຈັນຕັ້ງ 13 ຈຸດ ກວດການສັນຈອນເຂົ້າ-ອອກ

ເຈົ້າໜ້າທີ່ຕໍາຫຼວດສະເພາະກິດ ແລະ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຂັ້ນນະຄອນຫຼວງວຽງຈັນໄດ້ຕັ້ງຈຸດກວດການສັນຈອນເຂົ້າ-ອອກ 13 ຈຸດທົ່ວນະຄອນຫຼວງວຽງຈັນ ພາຍຫຼັງທີ່ລັດຖະບານໄດ້ອະນຸຍາດຕາມການສະເໜີຂອງອໍານາດການປົກຄອງນະຄອນຫຼວງກ່ຽວກັບການຂໍປິດການເຂົ້າ-ອອກພາຍໃນນະຄອນຫຼວງນັບແຕ່ວັນທີ 19-30 ກັນຍາ 2021 ນີ້ ເພື່ອປ້ອງກັນການແຜ່ລະບາດຂອງພະຍາດໂຄວິດ-19 ໃນຊຸມຊົນທີ່ມີການລະບາດຮອບໃໝ່ຢູ່ນະຄອນຫຼວງວຽງຈັນ.

13 ຈຸດກວດດັ່ງກ່າວມີ:  ຢູ່ເສັ້ນທາງທົ່ງ ຂັນຄໍາ, ທາງວົງວຽນຄອມເຊັນເຕີ, ເສັ້ນທາງໜອງບອນ, ທາງດອນກອຍ, ສວນ 23 ສິງຫາ, ສວນເຈົ້າຟ້າງຸ່ມ, ທາງດົງໂດກ (ໜ້າມະຫາວິທະຍາໄລແຫ່ງຊາດ), ໜ້າສານປະຊາຊົນສູງສຸດ ຫຼັກ 3, ເສັ້ນທາງບ້ານໂນນຫວາຍ, ເສັ້ນທາງບ້ານໜອງງ່ຽງ (ໂຄ້ງໂຮງຮຽນປະຖົມ),  ເສັ້ນທາງດອນແດງ-ຫ້ວຍຫົງ, ໜ້າສູນການຄ້າລາວ-ໄອເຕັກ ແລະ ເສັ້ນທາງບ້ານດົງສ້າງຫີນ.

ແຕ່ລະຈຸດຂອງການກວດ, ເຈົ້າໜ້າທີ່ຈະສອບຖາມປະຫວັດ, ສະຖານທີ່ທີ່ຈະເດີນທາງໄປ ແລະ ສິ່ງສໍາຄັນແມ່ນການກວດໃບສັກຢາວັກຊິນປ້ອງກັນພະຍາດໂຄວິດ-19.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ