Vientiane Times Lao
ນະຄອນຫຼວງວຽງຈັນ ມີຜູ້ເສຍຊີວິດ 24 ຄົນຍ້ອນໄຂ້ເລືອດອອກ

ນະຄອນຫຼວງວຽງຈັນ ມີຜູ້ເສຍຊີວິດ 24 ຄົນຍ້ອນໄຂ້ເລືອດອອກ

ກະຊວງສາທາລະນະສຸກໃຫ້ຮູ້ວ່າ: ນັບແຕ່ຕົ້ນປີ ມາຮອດເດືອນພະຈິກ 2019 ນີ້, ຢູ່ນະຄອນຫຼວງວຽງຈັນ ມີຜູ້ຕິດເຊື້ອພະຍາດໄຂ້ເລືອດອອກລວມທັງໝົດ 10,568 ຄົນ ໃນນີ້ເສຍຊີວິດ 24 ຄົນ ຊຶ່ງມີຜູ້ເສຍຊີວິດຫຼາຍກວ່າ ແຂວງອື່ນໆຈາກພະຍາດ ດັ່ງກ່າວ. ປັດຈຸບັນຜູ້ຕິດເຊື້ອໄຂ້ເລືອດອອກຢູ່ນະຄອນຫຼວງວຽງຈັນມີທ່າອ່ຽງຫຼຸດລົງຫຼາຍ ແຕ່ ຍັງສູງຖ້າທຽບກັບໄລຍະດຽວກັນຂອງປີຜ່ານມາ. ກະຊວງສາທາ ໄດ້ເນັ້ນໃຫ້ປະຊາຊົນສືບຕໍ່ ປ້ອງກັນພະຍາດດັ່ງກ່າວຢ່າງຕໍ່ເນື່ອງ ເຖິງວ່າໄລຍະນີ້ຈະສິ້ນສຸດລະດູຝົນ ແລະ ເຂົ້າລະດູແລ້ງແລ້ວກໍ່ຕາມ.

ທ່ານ ດຮ ບຸນທະວີ ເດດບັນດິດ ຮອງຫົວໜ້າພະແນກສາທາລະນະສຸກ ນະຄອນ ຫຼວງວຽງຈັນໄດ້ໃຫ້ສຳພາດຕໍ່ນັກຂ່າວໃນບໍ່ດົນມານີ້ວ່າ: ປົກກະຕິແລ້ວພໍຮອດ ເດືອນພະຈິກ ແລະ ເດືອນທັນວາໃນແຕ່ລະປີ ຢູ່ນະຄອນຫຼວງວຽງຈັນ ຈະກວດ ພົບຜູ້ຕິດເຊື້ອພະຍາດໄຂ້ເລືອດອອກບໍ່ເຖິງ 10 ຄົນຕໍ່ອາທິດ ແຕ່ປີນີ້ພົບຫຼາຍ ກວ່າປີຜ່ານມາ ຍ້ອນພະຍາດດັ່ງກ່າວໄດ້ລະບາດເລີ່ມແຕ່ຕົ້ນປີເປັນຕົ້ນມາ. ສະນັ້ນ ຈຶ່ງເຕືອນໃຫ້ປະຊາຊົນທຸກຄົນສືບຕໍ່ປ້ອງກັນ ພະຍາດໄຂ້ເລືອດອອກ ຕາມຫຼັກການ 5 ປ ທີ່ທາງກະຊວງສາທາລະນະສຸກໄດ້ວາງອອກ.

ຂ່າວ : ສົມພາວັນ
ພາບ: UN News

Related Articles

Leave a Reply