Vientiane Times Lao
ນະຄອນຫຼວງ ມື້ນີ້ມີຜູ້ຕິດເຊື້ອໃນຊຸມຊົນເຖີງ 24 ຄົນ

ນະຄອນຫຼວງ ມື້ນີ້ມີຜູ້ຕິດເຊື້ອໃນຊຸມຊົນເຖີງ 24 ຄົນ

ນະຄອນຫຼວງວຽງຈັນເລີ່ມໜ້າເປັນຫ່ວງ, ມື້ນີ້ມີຜູ້ຕິດເຊື້ອໃນຊຸມຊົນເຖີງ 24 ຄົນເຊີ່ງຜູ້ຕິດເຊື້ອໄດ້ມີການພົວພັນກັບຫຼາຍຄົນ. 

ອີງຕາມການລາຍງານຂອງຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແຈ້ງ​ໃຫ້​ຮູ້​ວ່າ: ມື້ນີ້ນະຄອນຫຼວງວຽງຈັນມີຜູ້ຕິດເຊື້ອພະຍາດໂຄວິດ -19 ເພີ່ມໃໝ່ 35 ຄົນ ( 11 ຄົນ ນຳເຂົ້າມາແຕ່ປະເທດເພື່ອນບ້ານໂດຍຜ່ານແຂວງສະຫວັນນະເຂດ, 24 ຄົນຕິດໃນຊຸມຊົນ).  ໃນຈຳນວນ 24 ຄົນທີ່ຕິດເຊື້ອໃນຊຸມຊົນ ລວມມີ: 2 ຄົນ ເປັນ ພໍ່ ກັບ ລູກ ຢູ່ບ້ານ ອາມອນ ເມືອງ ໄຊເສດຖາ,  2 ຄົນ ບ້ານ ດອນນົກຂຸ້ມ ເມືອງ ສີສັດຕະນາກ, 1 ຄົນ ບ້ານ ດົງນາຊົກໃຕ້ ເມືອງ ສີໂຄດຕະບອງ,  2 ຄົນ (ຄົນໄທ ທັງສອງຄົນ) ບ້ານ ໄຊສະຫວ່າງ ເມືອງ ໄຊທານີ ເປັນ ວິຊາການ ຊ່າງແປງຈັກ ຂອງ ໂຮງງານຕັດຫຍິບ ອິນເຕີເມັດ ແຟຊັນ, 3 ຄົນ (ຄອບຄົວດຽວກັນ) ບ້ານຮ່ອງໄກ່ແກ້ວ ເມືອງຈັນທະບູລີ, 4 ຄົນ (ເປັນຄອບຄົວດຽວກັນ ພໍ່ແມ່ ແລະລູກ) ບ້ານ ດອນກະຊາຍ ເມືອງ ຫາດຊາຍຟອງ,  1 ຄົນ ບ້ານ ຫ້ວຍຫົງ ເມືອງ ຈັນທະບູລີ ເປັນຄົນຂັບລົດທ່ອງທ່ຽວ, 1 ຄົນ ເພດຍີງບ້ານ ດົງໝາກຄາຍ ເປັນພະນັກງານລັດ ພະແນກຊັບພະຍາກອນນໍ້າ ນະຄອນຫຼວງ ແລະ 2 ຄົນ ແມ່ນຄົນໃນຄອບຄົວຜູ້ກ່ຽວເອງ.ສ່ວນອີກ 

6 ຄົນ ແມ່ນກຸ່ມຕະຫຼາດ ດົງໝາກຄາຍ , ເມືອງໄຊທານີ ເຊື່ອມໂຍງກັບ ຜູ້ ຂາຍຜັກ ຕະຫຼາດດອນໜູນ ທີ່ລາຍງານ ຕິດເຊື້ອ ໃນ ອາທິດຜ່ານມາ,  ເຊີ່ງ 3 ຄົນ ຢູ່ບ້ານ ດ່ານຊ້າງ, 1 ຄົນ ບ້ານ ໂນນແສງຈັນ ແລະ 1 ຄົນ ບ້ານ ລາດຄວາຍ.

ຂ່າວ: ເພັດສະໝອນ ຈັນດາລາ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ