Vientiane Times Lao
ນາງສາວລາວ ກຽມເຂົ້າປະກວດເວທີນາງງາມໂລກ

ນາງສາວລາວ ກຽມເຂົ້າປະກວດເວທີນາງງາມໂລກ

ນາງຄຣິສຕີນ້າ ລາສະສີມມາ ຊຶ່ງເປັນນາງສາວລາວປີ 2012  ກຽມເຂົ້າຮ່ວມປະກວດຢູ່ເວທີນາງງາມໂລກປິ 2020,ເພື່ອເປັນຕົວແທນຂອງປະເທດລາວໄປປະ ກວດໃນລະດັບໂລກ, ຫຼັງຈາກສອງປິທີ່ຜ່ານມາພາດໂອກາດທີ່ຈະເຂົ້າ ຮ່ວມ.

ນາງຄຣິສຕີນ້າ ລາສະສີມມາໄດ້ກ່າວວ່າ: ເວທີ Miss Universe ຖືວ່າເປັນເວທີ່ອັນດັບໝຶ່ງຂອງໂລກ ແລະ ຍັງບໍ່ທັນມີໂອກາດໄດ້ເຂົ້າຮ່ວມ ຊຶ່ງແມ່ນຄວາມໄຝ່ຝັນອັນຍິ່ງໃຫຍ່ທີ່ຢາກຈະໄປເຂົ້າຮ່ວມເພື່ອເປັນຕົວແທນປະເທດລາວ ໂດຍແມ່ຍິງລາວຄົນໝຶ່ງ ທີ່ຈະປະຕິບັດໜ້າທີ່ ການທູດ ໂດຍຕາງໜ້າໃຫ້ປະເທດລາວ ພ້ອມກັບພາລະບົດບາດ ຂອງແມ່ຍິ່ງທົ່ວໂລກ.

ນາງຄຣິສຕີນ້າ ໄດ້ກ່າວຕື່ມວ່າ: ປັດຈຸບັນໄດ້ມີການຝຶກຊ້ອມ ແລະ ມີການກຽມຕົວພັດທະນາທຸກດ້ານ ທີ່ສາມາດພັດທະນາໄດ້ໂດຍສະເພາະວິທີການຍ່າງ, ບຸກຄະລິກ, ຂ່າວສານ, ການເວົ້າ, ເລື່ອງພາສາ, ການຕອບຄຳຖາມ, ແຕ່ງໜ້າ ແລະ ອື່ນໆ.

ຂ່າວ ສີສຸພັນ ອຳພອນພົງ

ພາບ ຄຣິສຕີນ້າ ລາສາສີມມາ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ