Vientiane Times Lao
ນາຍົກເນັ້ນໃຫ້ອົງຄະນະພັກແຂວງສະຫວັນນະເຂດຫັນປ່ຽນວິທີເຮັດວຽກທີ່ມີລັກສະນະວິທະຍາສາດ

ນາຍົກເນັ້ນໃຫ້ອົງຄະນະພັກແຂວງສະຫວັນນະເຂດຫັນປ່ຽນວິທີເຮັດວຽກທີ່ມີລັກສະນະວິທະຍາສາດ

ເນື່ອງໃນໂອກາດທີ່ສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວໄດ້ເຂົ້າຮ່ວມ ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງສະຫວັນ​ນະ​ເຂດ ທີ່ໄດ້ຈັດຂຶ້ນເມື່ອບໍ່ດົນມານີ້ ທີ່ແຂວງສະຫວັນນະເຂດ, ສະຫາຍ ທອງລຸນ  ສີສຸລິດ ໄດ້ກ່າວໂອ້ລົມທີ່ກອງປະຊຸມ ໂດຍທ່ານໄດ້ເນັ້ນໜັກໃຫ້ອົງຄະນະພັກແຂວງສະຫວັນນະເຂດ ຊຸດໃໝ່ ເອົາໃຈໃສ່ບຸກບືນເຂົ້າໃນວຽກງານກໍ່ສ້າງພັກ – ພະນັກງານໃຫ້ມີຄວາມໜັກແໜ້ນເຂັ້ມແຂງ, ບຸກບືນໃນວຽກງານຂະບວນການພັດທະນາເສດຖະກິດ – ສັງຄົມ, ລົງກໍ່ສ້າງຮາກຖານການເມືອງຕິດພັນກັບປະຊາຊົນ, ພະຍາຍາມເຮັດທຸກສິ່ງທຸກຢ່າງເພື່ອໃຫ້ປະຊາຊົນມີຢູ່ມີກິນ, ເອົາໃຈໃສ່ພັດທະນາທາງດ້ານເສດຖະກິດ, ຊຸກຍູ້ຂະບວນການຜະລິດຂອງປະຊາຊົນ ໃຫ້ມີການປ່ຽນແປງໃໝ່, ທັນສະໄໝ, ນຳໃຊ້ເຕັກນິກວິທະຍາສາດເຂົ້າມາຊ່ວຍ ເພື່ອເຮັດໃຫ້ຂະບວນການຜະລິດເປັນສິນຄ້າຂອງປະຊາຊົນໃຫ້ນັບມື້ເຕີບໃຫຍ່ເຂັ້ມແຂງ ແລະ ພ້ອມກັນ ບຸກບືນຜ່ານຜ່າອຸປະສັກຫຍຸ້ງຍາກ ກ້າວຂຶ້ນດ້ວຍການເຊີດຊູນ້ຳໃຈຮັກຊາດ, ຮັກລະບອບປະຊາທິ ປະໄຕປະຊາຊົນ, ເປັນເຈົ້າຕົນເອງ ສ້າງຄວາມເຂັ້ມແຂງດ້ວຍຕົນເອງ ພ້ອມກັນນຳໃຊ້ທຸກທ່າແຮງບົ່ມຊ້ອນທີ່ມີພາຍໃນແຂວງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການຈັດ ຕັ້ງປະຕິບັດມະຕິກອງປະຊຸມໃຫຍ່ຄັ້ງທີ 9 ຂອງແຂວງ, ສ້າງໃຫ້ແຂວງສະຫວັນນະເຂດມີສະຖຽນລະພາບ ການເມືອງໜັກແໜ້ນ, ມີຄວາມສະຫງົບ, ຄວາມເປັນລະບຽບຮຽບຮ້ອຍ ໂດຍພື້ນຖານ, ມີການຫັນປ່ຽນໃໝ່ທີ່ມີລັກສະນະວິທະຍາສາດ, ມີຄວາມຈະເລີນພັດທະນາ ໂດຍຍຶດຖືຜົນປະໂຫຍດ ແລະ ປັບປຸງຊີວິດຂອງປະຊາຊົນບັນດາເຜົ່າໃຫ້ມີຄວາມຜາສຸກ.

ຂ່າວ-ພາບ: ກົມປະຊາສຳພັນ ຫສນຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ