Vientiane Times Lao
ບຣາເດີ ສົ່ງເສີມວັດທະນະທໍາຍີ່ປຸ່ນ ຜ່ານ Digital Origami Letter

ບຣາເດີ ສົ່ງເສີມວັດທະນະທໍາຍີ່ປຸ່ນ ຜ່ານ Digital Origami Letter

ໃນໄລຍະອາທິດການຂຽນຈົດໝາຍສາກົນ ໃນງານ Expo 2020 Dubai, Brother Industries, Ltd. (ໂດຍປະທານ ອິຊິໂຮ ຊາຊາກິ) ນໍາເນື້ອຫາຄອນເທັນອອນລາຍ ເລື່ອງ Origami Letter ມາປັບປຸງໃໝ່ ໂດຍການເພີ່ມຄຸນປະໂຫຍດໃນການໃຊ້ວຽກທີ່ເກີດຂຶ້ນຈາກຄວາມເຫັນຂອງຜູ້ໃຊ້ ແລະ ຈັດສະແດງໃນໄລຍະອາທິດການຂຽນຈົດໝາຍສາກົນນີ້ (International Letter Writing Week) ລະຫວ່າງວັນທີ 9-15 ຕຸລາ 2021 ໂດຍຄອນເທັນນີ້ ສ້າງຂຶ້ນເພື່ອສົ່ງເສີມການສະໜັບສະໜູນຂອງບຣາເດີ ໃນອາຄານ Japan Pavilion ງານ Expo 2020 Dubai ທີ່ປະເທດດູໄບ.

   ວິດີໂອ Origami Letter ນີ້ ໄດ້ນໍາສະເໜີເນື້ອຫາໃຫ້ຜູ້ເຂົ້າຮ່ວມງານໄດ້ສຳຜັດເຖິງການສື່ສານອັນອົບອຸ່ນຜ່ານທາງຈົດໝາຍເຊິ່ງສະແດງເຖິງການສົ່ງຂໍ້ຄວາມຢ່າງຈິງໃຈ ດ້ວຍການໃຊ້ Origami ທີ່ເປັນສິລະປະການພັບເຈ້ຍແບບດັ້ງເດີມໃນວັດທະນະທໍາຍີ່ປຸ່ນ ເຖິງວ່າເຮົາກຳລັງປະເຊີນກັບສະຖານະການທີ່ການສື່ສານທີ່ຫຍຸ້ງຍາກ ຂຶ້ນ ເພາະການແຜ່ລະບາດຂອງໂຄວິດ-19 ນີ້.

   ງານ Expo 2020 Dubai ຈັດຂຶ້ນໃນວັນທີ 1 ຕຸລາ 2021 ພາຍໃຕ້ສະໂລແກນ “Connecting Minds, Creating the Future” ເປັນງານລະດັບນາໆຊາດຄັ້ງທຳອິດໃນພາກຕາເວັນອອກກາງ ໂດຍມີການສ້າງອາຄານ Japan Pavilion ຢູ່ໃນພື້ນທີ່ຈັດສະແດງ ພາຍໃຕ້ແນວຄິດ “Where ideas meet” ໂດຍອາຄານນີ້ຖືກອອກແບບດ້ວຍແຮງບັນດານໃຈຈາກ Origami ໃນຂະນະທີ່ບໍລິສັດ Brother Industries ໄດ້ເປີດວິດີໂອກ່ຽວກັບ Origami ໃນບໍລິເວນແຖວປະຕູອາຄານ Japan Pavilion, ພ້ອມຈັດການຂົນຂວາຍຜ່ານທາງສື່ອອນລາຍໃນໄລຍະອາທິດຂຽນຈົດໝາຍສາກົນ ເພື່ອເປັນການສົ່ງເສີມວັດທະນະທໍາຂອງປະເທດຍີ່ປຸ່ນໃນງານອີກດ້ວຍ.

“Origami ເປັນງານສີມືອັນເກົ່າແກ່ທີ່ສະແດງໃຫ້ເຫັນເຖິງຄວາມເປັນຍີ່ປຸ່ນ ແລະ ທີ່ອາຄານ Japan Pavilion ກໍໄດ້ອອກແບບອາຄານພາຍໃຕ້ແນວຄິດຂອງ Origami ນີ້” ໄອຊາໂອະ ອັນໂດະ ຜູ້ອໍານວຍການ Japan Pavilion ກ່າວວ່າ “ໃນໄລຍະ 1 ອາທິດຕັ້ງແຕ່ເປີດງານ Expo ພື້ນທີ່ຂອງເຮົາດຶງດູດ ຜູ້ເຂົ້າມາຢ້ຽມຊົມເປັນຈໍານວນຫຼວງຫຼາຍ ໂດຍບາງຄົນເຖິງຂະໜາດລໍຖ້າຄິວດົນຮອດ 2 ຊົ່ວໂມງເພື່ອເຂົ້າຢ້ຽມຢາມໃນງານ ນອກຈາກນີ້ ເຮົາຍັງເປີດວິດີໂອ Origami Letter ເພື່ອສົ່ງເສີມວັດທະນະທໍາເກົ່າແກ່ຂອງຍີ່ປຸ່ນໃຫ້ແກ່ຜູ້ເຂົ້າໃນງານ”

   ທັງນີ້ Digital Origami Letter ຂອງບຣາເດີ ໄດ້ຮັບລາງວັນ iF GOLD AWARD ໃນງານ iF DESIGN AWARD 2021 ເຊິ່ງເປັນອົງການດ້ານການອອກແບບອິດສະຫຼະທີ່ເກົ່າແກ່ທີ່ສຸດຂອງໂລກ ໂດຍ iF GOLD AWARD ສະແດງໃຫ້ເຫັນເຖິງການຍອມຮັບຜົນງານຊັ້ນດີ ທີ່ໂດດເດັ່ນເໜືອຜົນງານອື່ນໆ ທີ່ສົ່ງເຂົ້າປະກວດ.

*International Letter Writing Week: ເປັນອາທິດສາກົນເພື່ອສົ່ງເສີມຄວາມເຂົ້າໃຈເຊິ່ງກັນ ແລະ ກັນ ຜ່ານການຂຽນຈົດໝາຍເຊິ່ງເປັນການຊ່ວຍສ້າງຄວາມຄໍານຶງ ແລະ ຮັບ ຮູ້ເຖິງສັນຕິພາບຂອງໂລກນໍາອີກດ້ວຍ.

ວິທີການສົ່ງ Digital Origami Letter ໃຫ້ໝູ່ ຫຼືຄອບຄົວ ຫຼືຄົນທີ່ທ່ານຮັກແພງ.

1.   ເຂົ້າໄປທີ່ລິ້ງ https://bit.ly/FBBLORIGAMI

2.  ເລືອກແບບອໍຣິກາມິທີ່ທ່ານ ຕ້ອງການຈາກນັ້ນພິມຂໍ້ຄວາມທີ່ທ່ານຕ້ອງການຈະສົ່ງ

3.   ເລື່ອນເຄີເຊີ (Cursor) ເທິງໜ້າຈໍຕາມທິດທາງລູກສອນ ເພື່ອເປັນການພັບອໍຣິກາມິ ແລ້ວສົ່ງໄປຍັງຄົນທີ່ທ່ານຕ້ອງການ ດ້ວຍການກົດລົງໃສ່ໄອຄອນ WhatsApp ຫຼື Facebook Messenger ຫຼືກົດລົງໃສ່ໄອຄອນຮູບຕ່ອງໂສ້ ເພື່ອກ໋ອບປີເປັນລິງ ສົ່ງໃຫ້ທາງສື່ສັງຄົມອອນລາຍອື່ນໆກ່ອນລິງຈະໝົດອາຍຸDigital Origami Letter (https://global.brother/en/origami)

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ