Visit BigblueAgency
ບຸນຊ້າງປີ 2024 ມີຊ້າງ 75ໂຕ ເຂົ້າຮ່ວມ

ບຸນຊ້າງປີ 2024 ມີຊ້າງ 75ໂຕ ເຂົ້າຮ່ວມ

 ງານມະຫະກຳບຸນຊ້າງປີ 2024 ເລີ່ມມີການຄົບງັນ ຫຼື ມີການເປີດງານຕະຫຼາດນັດ ແລະ ມີການສະແດງສິລະປະ ໃນມື້ວັນທີ 12 ທີ່ຜ່ານມາ ທີ່ເດີ່ນສະໜາມຫຼວງ ບ້ານນາໄຮ ເມືອງໄຊຍະບູລີ ແຂວງໄຊຍະບູລີ ແລະ ຈະດໍາເນີນໄປຮອດວັນທີ 18 ກຸມພາ 2024 ໂດຍຈະມີພິທີເປີດຢ່າງເປັນທາງການໃນວັນທີ 17 ທີ່ຈະມາເຖິງນີ້ ແລະ ຈະມີພິທີເປີດປີທ່ອງທ່ຽວແຂວງໄຊຍະບູລີ 2024 ໄປພ້ອມໆກັນ ຊຶ່ງໃນປີນີ້ ມີ ຊ້າງເຂົ້າຮ່ວມທັງໝົດ 75 ໂຕ.

ຕະຫຼອດ 7 ວັນຂອງ ງານມະຫະກຳດັ່ງກ່າວຈະມີງານວາງຂາຍສິນຄ້າປະເພດຕ່າງໆ, ການສະແດງສິລະປະ ໃນທຸກໆຄໍ່າຄືນ, ງານປະກວດນາງສາວທິດາ ຊ້າງປະຈຳປີ 2024 ຈະຈັດຂຶ້ນໃນລະຫວ່າງວັນທີ 14 ຫາ 15, ວັນທີ 16 ຈະມີພິທີໃສ່ບາດສູດບຸນກຸສົນໃຫ້ແກ່ບັນດາຊ້າງ ແລະ ບາສີສູ່ຂວັນຊ້າງ ວັນທີ 17 ຈະມີພິທີເປີດຢ່າງເປັນທາງການງານມະຫາກຳບຸນຊ້າງ ແລະ ເປີດປີທ່ອງທ່ຽວແຂວງໄຊຍະບູລີ 2024 ໂດຍຈະມີຂະບວນຖືປ້າຍເປີດງານບຸນຊ້າງ, ຂະບວນອໍານາດການປົກຄອງ, ຂະບວນພາຂວັນ, ຂະບວນຊົນເຜົ່າ, ຂະບວນຊ້າງ, ມີການສະແດງຊ້າງຄໍາຮູ້ ແລະ ໃນຕອນບ່າຍຈະມີການໂຊສະແດງການໂດດຈ້ອງຈາກກອງທັບປະຊາຊົນລາວ, ວັນທີ 18 ຊຶ່ງເປັນມື້ສຸດທ້າຍຂອງງານຈະມີກິດຈະກຳຊ້າງອາບນ້ຳ, ຂີ່ຊ້າງ, ເປີດສູນອະນຸລັກຊ້າງພູແຄນ, ໃຫ້ອາຫານບຸບເຟຊ້າງ, ສະແດງກາຍຍະສິນ ແລະ ອື່ນໆ

Related Articles

Leave a Reply