Vientiane Times Lao
ບຸນມະໂຫລານເທດສະການ ກຸດຈີນ ປະຈຳປີ 2020 ຈັດຂຶ້ນຢ່າງ ຢິ່ງໃຫ່ຍຢູ່ລາວ

ບຸນມະໂຫລານເທດສະການ ກຸດຈີນ ປະຈຳປີ 2020 ຈັດຂຶ້ນຢ່າງ ຢິ່ງໃຫ່ຍຢູ່ລາວ

ສູນວັດທະນາທຳຈີນ ປະຈຳ ສປປ ລາວ ຮ່ວມກັບພະແນກ ວັດທະນາທຳ ວິທະຍຸ ໂທລະພາບ ແລະ ການທ່ອງ ທ່ຽວ ນະຄອນເສິງຕູ່ ສປ ຈີນ ໄດ້ຈັດງານ ບຸນມະໂຫລານເທດ ສະການ ກຸດຈີນ ປະຈຳປີ 2020 ຢ່າງຍິ່ງໃຫ່ຍຢູ່ຫໍວັດທະນາທໍາ ແຫ່ງຊາດລາວ ໃນວັນເສົາ ແລະ ວັນອາທິດວັນທີ 11-12 ມັງກອນ ທີ່ຜ່ານມາ ໂດຍເຂົ້າຮ່ວມຂອງທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ, ທ່ານ ຈຽງຈ່າຍຕົງ ເອກອັກຄະລັດຖະທູດຈີນປະຈຳລາວ, ບັນດາທູຕານຸທູດປະເທດຕ່າງໆປະຈຳລາວ ລວມທັງຕາງໜ້າທຸລະກິດຈີນຢູ່ລາວ, ຊາວຈີນ, ຊາວຈີນໂພ້ນທະເລ ແລະ ລາວເຂົ້າຮ່ວມ.

ພາຍໃນງານ ມີການເຊີດສິງໂຕເພື່ອ ເປີດງານ, ຊົມການສະແດງສິລະປະ ຈາກນັກຮຽນໂຮງຮຽນວັດທະນາທຳ ແລະ ສີລະປະ ຈາກນະຄອນເສິງຕູ່ ໂດຍມີການສະແດງງິ້ວ, ບົດຟ້ອນ, ຮ້ອງເພັງ, ກາຍະສິນ, ວູຊູ, ມາຍາກົນ ນອກນັ້ນຍັງມີງານວາງສະແດງອາຫານຈີນ, ວາງສະແດງດ້ານປະເພນີ ແລະ ວັດທະນາທຳຈີນ, ການຫຼີ້ນເກມແບບພື້ນເມືອງຈີນ, ການທວາຍຄຳທວາຍ ແລະ ກິດຈະກຳອື່ນໆ.

ງານ ບຸນມະໂຫລານເທດສະການ ກຸດຈີນຢູ່ລາວໄດ້ຈັດມາແຕ່ປີ 2015 ເປັນຕົ້ນມາ ຊຶ່ງງານຄັ້ງນີ້ເປັນຄັ້ງທີ 6.

ຂ່າວ : ວຽງຈັນທາຍ

ພາບ : ວິສິດ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ