ບໍລິສັດ ແຟຊັ່ນ Elise ຈຳກັດ ສສ ຫວຽດນາມ ເປັນບໍລິສັດ ຜະລິດເຄື່ອງນຸ່ງທີ່ມີຄຸນນະພາບ ແລະ ມີຮ້ານຂາຍຢູ່ທົ່ວປະເທດຫວຽດນາມໄດ້ມອບເຄື່ອງປະເພດເຄື່ອງນຸ່ງຂອງແມ່ຍິງເພື່ອນຸ່ງຫົ່ມໃນລະດູໜາວ ຈຳນວນ 5.321 ໂຕ, ລວມມູນຄ່າຫຼາຍກວ່າ 10 ຕື້ດົ່ງ (ສະກຸນເງິນຫວຽດນາມ) ເພື່ອໄປແຈກຢາຍໃຫ້ປະຊາຊົນທີ່ທຸກຍາກຢູ່ ສປປ ລາວ. ການຊ່ວຍເຫຼືອໃນຄັ້ງນີ້ເປັນຄັ້ງທີ 2 ທີ່ບໍລິສັດດັ່ງກ່າວໄດ້ຊ່ວຍເຫຼືອ.
ພິທີມອບ-ຮັບເຄື່ອງດັ່ງກ່າວໄດ້ຈັດຂຶ້ນເມື່ອວັນທີ 22 ສິງຫາ 2023 ທີ່ຜ່ານມາ ຢູ່ສະຖານທູດລາວ ປະຈຳ ຢູ່ ປະເທດຫວຽດນາມໂດຍມີທ່ານ ຈັນທະພອນ ຄໍາມະນີຈັນ ທີ່ປຶກສາ ຮອງຫົວໜ້າສຳນັກງານສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ, ທ່ານ Tokuo Yotaro, ຜູ້ອຳນວຍການບໍລິຫານ (Principal) ບໍລິສັດ ແຟຊັ່ນ Elise ຈຳກັດ ພ້ອມດ້ວຍພະນັກງານຂອງທັງສອງຝ່າຍ ເຂົ້າຮ່ວມ.
ຂໍ້ມູນ-ພາບ: ສະຖານທູດລາວທີ່ຮ່າໂນ້ຍ
