Visit BigblueAgency
ປກສ ແຂວງບໍ່ແກ້ວຈັບຜູ້ຕ້ອງຫາ  4 ຄົນ ພ້ອມຢາບ້າ ແລະ ຢາໄອສ໌ໄດ້ 4 ໂຕນກ່ວາ

ປກສ ແຂວງບໍ່ແກ້ວຈັບຜູ້ຕ້ອງຫາ  4 ຄົນ ພ້ອມຢາບ້າ ແລະ ຢາໄອສ໌ໄດ້ 4 ໂຕນກ່ວາ

ໃນວັນທີ 26 ມັງກອນ ນີ້, ເວລາປະມານ 17:30 ໂມງ ເຈົ້າໜ້າທີ່ ປກສ ແຂວງບໍ່ແກ້ວ ມ້າງຄະດີຢາເສບ ຕິດລາຍໃຫຍ່ ຢູ່ເມືອງຫ້ວຍຊາຍ ແຂວງບໍ່ແກ້ວ, ຈັບເປົ້າໝາຍ ໄດ້ 4 ຄົນ ພ້ອມຂອງກາງ ຢາບ້າ 18.240 ມັດ ເທົ່າກັບ 36.480.000 ເມັດ, ໜັກ 3.648 ກິໂລກຼາມ; ຢາໄອສ໌ 590 ກິໂລກຼາມ; ເຮໂຣອິນ 2 ແທ່ງ,ປືນສັ້ນ 1 ກະບອກ ແລະ ລົດໃຫຍ່ 4 ຄັນ.

     ເຈົ້າໜ້າທີ່ ປກສ ແຂວງບໍແກ້ວ ໃຫ້ຮູ້ວ່າ: ຜູ້ຕ້ອງຫາ 4 ຄົນ ຊື່: ທ້າວ ໄຊບໍທໍ່ ອາຍຸ 34 ປີ ; ທ້າວ ມົວວາ ອາຍຸ 25 ປີ ທັງສອງຢູ່ບ້ານກິ່ວລົມ ເມືອງປາກທາ ແຂວງບໍ່ແກ້ວ; ທ້າວ ລົງວີ ອາຍຸ 26 ປີ ແລະ ນາງ ຈຶເຮີ ອາຍຸ 29 ປີ ທັງສອງຢູ່ບ້ານຮົ່ມເຢັນ ເມືອງ ຕົ້ນເຜິ້ງ ແຂວງບໍ່ແກ້ວ. 

ອີງຕາມການລາຍງານຂອງວາລະສານປ້ອງກັນຄວາມສະຫງົບ, ຄະດີດັ່ງກ່າວ ເຈົ້າໜ້າທີ່ຕໍາຫຼວດກອງບັນຊາການ ປກສ ແຂວງບໍ່ແກ້ວ ພວມສືບຕໍ່ສອບສວນຂະຫຍາຍຜົນ.

Related Articles

Leave a Reply