Vientiane Times Lao
ປກສ ແລະ IOM ຮ່ວມມືກັນໃນ​ການ​ຮັບ​ມື​ກັບ​ຄວາມ​ສ່ຽງ​ຈາກ ໂຄ​ວິດ-19 ຢູ່​ດ່ານ​ຊາຍ​ແດນ ແລະ ​ ສະໜາມ​ບິນ​ສາກົນ ຢູ່​ ສປປ ລາວ

ປກສ ແລະ IOM ຮ່ວມມືກັນໃນ​ການ​ຮັບ​ມື​ກັບ​ຄວາມ​ສ່ຽງ​ຈາກ ໂຄ​ວິດ-19 ຢູ່​ດ່ານ​ຊາຍ​ແດນ ແລະ ​ ສະໜາມ​ບິນ​ສາກົນ ຢູ່​ ສປປ ລາວ

ອົງການ​ຈັດ​ຕັ້ງ​ສາກົນເພື່ອ​ ການ​ເຄື່ອນ​ຍ້າຍ​ຖິ່ນ​ຖານ International Organization for Migration (IOM) ແລະ ​ກະຊວງ​ປ້ອງ​ກັນ​ຄວາມ​ສະຫງົບ (ປກສ) ຮ່ວມມືກັນພາຍ​ໃຕ້​ໂຄງການ  ‘‘ກຽມ​ຄວາມ​ພ້ອມ​ໃນ​ການ​ຮັບ​ມື​ກັບ​ຄວາມ​ສ່ຽງ​ຈາກ ໂຄ​ວິດ-19 ຢູ່​ດ່ານ​ຊາຍ​ແດນ ແລະ ​ ສະໜາມ​ບິນ​ສາກົນ ຢູ່​ ສປປ ລາວ ” ຊຶ່ງອົງການ IOM ໄດ້ໃຫ້ການ ສະໜັບສະໜູນ​ດ້ານ​ອຸປະກອນ ແລະ ງົບປະມານ.

ເປົ້າ​ໝາຍທັງ​ໝົດ​ນີ້​ແມ່ນ​ເພື່ອ​ສະໜັບ​ສະ​ໜູນ​ລັດ ຖະບານ​ລາວ​ໃນ​ການ​ບໍລິຫານ​ດ່ານ, ຄຸ້ມ​ຄອງ​ແຮງ​ງານເຄື່ອນຍ້າຍ​ຜ່ານ​ດ່ານ ແລະ ຊ່ວຍເຫຼືອ​ປະຊາຊົນ​ທີ່​ມີ​ຄວາມ​ສ່ຽງ, ໄລຍະໃນການຮ່ວມມືແມ່ນ 6 ເດືອນ ຊຶ່ງຈະມີການຊ່ວຍໃນການພັດທະນາ​ມາດຕະຖານ​ຂັ້ນ​ຕອນ​ການ​ດຳເນີນ​ງານ ແລະ ຈັດ​ຝຶກ​ອົບຮົມ​ເພື່ອສ້າງ​ຂີດ​ຄວາມອາດສາມາດ​ໃຫ້​ແກ່​ເຈົ້າ​ໜ້າ​ທີ​່ປະຈຳ​ດ່ານ​ຊາຍ​ແດນ ແລະ ສະໜາມ​ບິນ​ສາກົນ​ຢູ່ 10 ດ່ານ ເພື່ອ ກຽມຄວາມ ພ້ອມ​ໃນ​ການ​ຮັບ​ມື​ກັບ​ພະຍາດ ໂຄ​ວິດ-19 ຢູ່ ສປປ ລາວ.

ພິທີ​ເຊັນ​ສັນຍາການ​ຮ່ວມ​ມື​ ດັ່ງກ່າວໄດ້ຈັດຂຶ້ນເມື່ອບໍ່ດົນມານີ້ຢູ່ນະຄອນຫຼວງວຽງຈັນລະຫວ່າງຫົວໜ້າ​ກົມຕໍາ​ຫຼວດ ກວດ​ຄົນ​ເຂົ້າ​-​ອອກ​ເມືອງ (ຕມ)ກົມ​ໃຫຍ່​ສັນຕິ​ບານ ກະຊວງ​ ປກສ ທ່ານ ພັນ​ເອກ ສາຍ​ສະໝິງ ສີວິໄລ​ ແລະ​ ຮັກສາ​ການ​ຫົວໜ້າ​ຫ້ອງການ​ອົງການ IOM ປະ​ຈໍາ ລາວ ທ່ານ ນາງ ຊີ​ນ່າ​ແວນ ແບ​ມເມວ ​ໂຟກ​ເນີ (Ms Zena Van Bemmel)ໂດຍເຂົ້າຮ່ວມຂອງ ຮອງ​ລັດຖະມົນຕີ​ກະຊວງ​ ປ້ອງ​ກັນ​ຄວາມ​ສະຫງົບ​ ທ່ານ ພົນ​ຕີ ກົງ​ທອງ ພົງ​ວິຈິດ.

 

ຂ່າວ: ຍຸ​ພິນ

ພາບ: ບຸນ​ອູ້ມ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ