ກົມອຸຕຸນິຍົມ ແລະ ອຸທົກກະສາດອອກແຈ້ງການເຕືືອນມື້ວັນທີ 12 ຕຸລາທີ່ຜ່ານມາເຖິງປະຊາຊົນຢູ່ ທຸກພາກຂອງປະເທດກຽມຮັບມືກັບພະຍຸ ນັງກາ (Nangka) ຫົວທີ 16 ທີ່ຈະເຄື່ອນຂຶ້ນຝັ່ງທາງພາກເໜືອ ຂອງ ສສ ຫວຽດນາມ ໃນວັນທີ 15 ຕຸລາ 2020 ນີ້ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ, ວົງລັດສະໝີຂອງພະຍຸດັ່ງກ່າວນີ້ຈະກວມເອົາເຂດພາກເໜືອດ້ານຕາເວັນ ອອກຂອງປະເທດລາວຊຶ່ງປະກອບມີແຂວງຜົ້ງສາລີ, ຫົວພັນ ແລະ ແຂວງຊຽງຂວາງ ຊຶ່ງຈະເຮັດໃຫ້ມີຝົນຕົກໜັກ ລວມທັງມີຟ້າຮ້ອງຟ້າເຫຼື້ອມ ຢູ່ 3 ແຂວງດັ່ງກ່າວ ແລະ ຝົນຈະຕົກໃນລະດັບຄ່ອຍ ແລະ ປານກາງ ຫາ ໜັກ ພ້ອມທັງມີລົມພັດແຮງເປັນບາງ ໂອກາດເກືອບທົ່ວທຸກພາກຂອງປະເທດ.
ສະພາບຝົນຕົກຈາກພະຍຸດັ່ງກ່າວອາດກໍ່ໃຫ້ເກີດ ນໍ້າຖ້ວມຊູ, ນ້ຳຖ້ວມອັ່ງ, ຕົ້ນໄມ້ຫັກ, ເສົາໄຟຟ້າຫັກໂຄ້ນ, ເຮືອນຊານເປ່ເພ ແລະ ໃຫ້ນໍາສິ່ງຂອງ ແລະ ສັດລ້ຽງໄປໄວ້ທີ່ປອດໄພ. ຫຼັງຈາກວັນທີ 16 ພະຍຸດັ່ງກ່າວຈະອ່ອນກໍາລັງລົງແຕ່ທົ່ວທຸກພາກຂອງປະເທດຍັງຈະມີຝົນຕົກໃນລະດັບຄ່ອຍ, ຕົກປານກາງ ແລະ ຕົກໜັກ ຢູ່ບາງທ້ອງຖິ່ນໂດຍສະເພາະຢູ່ບັນດາ ແຂວງພາກກາງ ແລະ ພາກໃຕ້.
ຂ່າວ: ວຽງຈັນທາຍ
