Vientiane Times Lao
ປະເທດລາວຍັງກວດພົບຜູ້ຕິດເຊື້ອພາຍໃນ ເພີ່ມຂື້ນ ແລະ ມື້ນີ້ມີຜູ້ເສຍຊີວິດ 3 ຄົນ

ປະເທດລາວຍັງກວດພົບຜູ້ຕິດເຊື້ອພາຍໃນ ເພີ່ມຂື້ນ ແລະ ມື້ນີ້ມີຜູ້ເສຍຊີວິດ 3 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ໄດ້ລາຍງານໃນວັນທີ 12 ຕຸລາ 2021ໃຫ້ຮູ້ວ່າ: ທົ່ວປະເທດການລະບາດຂອງພະຍາດໂຄວິດ-19 ຢູ່ຫຼາຍແຂວງແມ່ນມີທ່າອ່ຽງຫຼຸດລົງແຕ່ຍັງກວດພົບຜູ້ຕິດເຊື້ອຢູ່ພາຍໃນເປັນຈຳນວນຫຼາຍໃນແຕ່ລະວັນໂດຍສະເພາະຢູ່ນະຄອນຫຼວງວຽງຈັນ, ແຂວງ ຫຼວງພະບາງ ແລະ ແຂວງ ຈຳປາສັກ ຊຶ່ງວັນທີ 11 ຕຸລາ 2021 ນີ້​ໄດ້ກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ທັງ​ໝົດ 5.240 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 549  ຄົນ, ໃນນີ້ 540 ຄົນ ຕິດ​ເຊື້ອພາຍໃນ, ເສຍຊີວິດເພີ່ມໃໝ່ 3 ຄົນ( ນະຄອນຫຼວງວຽງຈັນ 2 ຄົນ ແລະ ແຂວງ ໄຊສົມບູນ 1 ຄົນ).

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 387 ຄົນ ( 6 ຄົນນຳເຂົ້າ ແລະ 381 ຄົນຕິດເຊື້ອພາຍໃນ ), ແຂວງ ຫຼວງພະບາງ 52 ຄົນ (  ຕິດເຊື້ອພາຍໃນ ), ແຂວງ ບໍ່ແກ້ວ 10 ຄົນ ( ຕິດເຊື້ອພາຍໃນ ), ແຂວງ ວຽງຈັນ 18 ຄົນ (ຕິດເຊື້ອພາຍໃນ ), ແຂວງ ໄຊສົມບູນ 10 ຄົນ ( ຕິດເຊື້ອພາຍໃນ ), ແຂວງ ບໍລິຄຳໄຊ 17 ຄົນ ( ຕິດເຊື້ອພາຍໃນ ), ແຂວງ ຄຳມ່ວນ 7 ຄົນ ( ຕິດເຊື້ອພາຍໃນ ), ແຂວງ ສະຫວັນນະເຂດ 25 ຄົນ ( 3 ຄົນນຳເຂົ້າ ແລະ 22 ຄົນຕິດເຊື້ອພາຍໃນ ), ແຂວງ ສາລະວັນ 2 ຄົນ ( ຕິດເຊື້ອພາຍໃນ ), ແຂວງ ຈໍາປາສັກ 15 ຄົນ ( ຕິດເຊື້ອພາຍໃນ ). 

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 29.391 ຄົນ, ກຳລັງນອນປິ່ນປົວ 7.258 ຄົນ, ເສຍຊີວິດສະສົມ 33  ຄົນ.

ຂໍ້ມູນ: ບົດຖະແຫຼງຂ່າວຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ-19 ປະຈຳວັນທີ 12 ຕຸ​ລາ 2021

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ